Mkurugenzi Mtendaji wa Dolphin Lounge, Peter Eden, akiongea na waandishi wa habari
Na Woinde Shizza , Arusha
Wapenzi wa burudani na chakula bora wanakaribishwa katika Dolphin Lounge, iliyoko barabara ya Middleton, Kaloleni, Arusha, mahali ambapo kila jioni hubeba ladha ya kipekee ya muziki na chakula cha hadhi ya hoteli.
Mkurugenzi Mtendaji wa Dolphin Lounge, Peter Eden, amewaalika wananchi kuja kupata burudani ya kipekee pamoja na huduma za chakula zilizopangwa kwa kiwango cha juu.
“Kila Jumatano wateja wanaweza kufurahia karaoke ya moja kwa moja, huku Ijumaa ikibeba burudani ya bendi kwa wapenzi wa muziki,” amesema Eden. “Tumepanga kila kitu kuhakikisha wateja wanapata burudani safi na salama, huku chakula cha hadhi ya hoteli kikiwa tayari kwao.”
Huduma za chakula katika Dolphin Lounge zinajumuisha vyakula vya baharini kama supu ya pweza, pamoja na nyama choma na kuku safi, vyote vinavyopendwa sana na wateja.
Eden ameongeza kuwa usalama wa wateja ni kipaumbele cha juu ili kila mgeni apate burudani bila wasi wasi.
Aidha, wageni kutoka mikoani wanapofika jijini Arusha wanapewa fursa ya kipekee ya kujiburudisha na kuonja ladha za kipekee , wakiunganishwa na muziki wa bendi za moja kwa moja pamoja na nyama choma safi na freshi zinazotengenezwa na wachoma waliobobea.
.jpeg)
“Dolphin Lounge ni mahali pazuri kwa familia, marafiki na wapenzi wa burudani kufurahia chakula kizuri na muziki wa moja kwa moja,” amesema Eden, akiwakaribisha wote kuja kufurahia burudani, chakula bora na mazingira salama.
Kwa wapenzi wa muziki na chakula, Dolphin Lounge ni kiota kipya cha burudani jijini Arusha, ambapo kila jioni hubaki kuwa ya kipekee.
Social Plugin