Thursday, December 22, 2016

RAIS MAGUFULI AMTEUA JAJI SEMISTOCLES KAIJAGE KUWA MWENYEKITI WA TUME YA TAIFA YA UCHAGUZI TANZANIA



Rais wa Jamhuri ya Muungano wa Tanzania Mhe. Dkt. John Pombe Magufuli, leo tarehe 22 Desemba, 2016 amemteua Jaji wa Mahakama ya Rufaa, Mhe. Jaji Semistocles Kaijage kuwa Mwenyekiti wa Tume ya Taifa ya Uchaguzi (NEC).

Taarifa iliyotolewa na Katibu Mkuu Kiongozi Balozi John Kijazi imeeleza kuwa Mhe. Jaji Semistocles Kaijage ameteuliwa kuongoza Tume hiyo kwa kipindi cha miaka mitano kuanzia tarehe 20 Desemba, 2016.


Mhe. Jaji Semistocles Kaijage anachukua nafasi ya Mhe. Jaji Mstaafu Damiani Lubuva ambae muda wake wa kuwa Mwenyekiti umemalizika rasmi mnamo tarehe 19 Desemba, 2016.

Aidha, Mhe. Rais Magufuli amemteua Mhe. Jaji Mstaafu Hamid Mahamoud Hamid kuwa Makamu Mwenyekiti wa Tume ya Taifa ya Uchaguzi (NEC) kwa kipindi kingine cha miaka mitano kuanzia tarehe 20 Desemba, 2016.

Mhe. Jaji Mstaafu Hamid Mahamoud Hamid alikuwa Makamu Mwenyekiti wa NEC na amemaliza kipindi chake cha kwanza cha miaka mitano mnamo tarehe 19 Desemba, 2016.

Halikadhalika, Mhe. Rais Magufuli pia amemteua Jaji Mstaafu wa Mahakama ya Rufaa, Mhe. Jaji Harold Reginald Nsekela kuwa Kamishna wa Maadili katika Sekretarieti ya Maadili ya Viongozi wa Umma kwa kipindi cha miaka mitano kuanzia tarehe 20 Desemba, 2016. 

Mhe. Jaji Mstaafu Nsekela anachukua nafasi iliyoachwa wazi na Mhe. Jaji Mstaafu Salome S. Kaganda ambae amestaafu mnamo tarehe 10 Desemba, 2016.


Katika hatua nyingine, Mhe. Rais Magufuli amewateua Majaji wanne wa Mahakama Kuu kuwa Majaji wa Mahakama ya Rufani kuanzia leo tarehe 22 Desemba, 2016 kama ifuatavyo:-


i) Mhe. Jaji Dkt. Gerald Ndika

ii) Mhe. Jaji Jackobs Mwambegele

iii) Mhe. Jaji Rehema Kiwanga Mkuye

iv) Mhe. Jaji Sivangilwe Sikalalilwa Mwangesi

Wateule wote waliotajwa katika taarifa hii wataapishwa kesho Ijumaa, tarehe 23 Desemba, 2016 saa 3:00 asubuhi Ikulu Jijini Dar es Salaam.


Gerson Msigwa

Mkurugenzi wa Mawasiliano ya Rais, IKULU

Dar es Salaam

22 Desemba, 2016

Tutumie Habari,Picha,Video,Tangazo,Ushauri n.k. Wasiliana Nasi Simu/WhatsApp 0757478 553 ,0625 918 527

Malunde1 blog Ipo Play Store…Download HAPA ,Uwe unapata habari kwa urahisi zaidi
 Bofya Hapa
Share:

Tafuta Habari Hapa

Mzee Dispensary- Shinyanga Mjini

Habari kuu

Picha : DC SHINYANGA AFUNGUA WARSHA YA ASASI ZA KIRAIA MANISPAA YA SHINYANGA

Ijumaa Februari 24,2017 Halmashauri ya Manispaa ya Shinyanga imezikutanisha Asasi za Kiraia zilizopo katika manispaa hiyo kwenye sem...

Njaa Shinyanga- Wananchi & Mbunge Masele

Video: Mama Ushauri - Barcelona

Bofya Hapa Kutazama Video

 Bofya Hapa

Habari Zilizosomwa sana mwezi huu

Ungana Nasi Hapa

Maktaba Yetu ya Habari

INSTALL Malunde1 blog kwenye simu yako leo..Bofya Hapa

 Bofya Hapa

Translate This Blog

Copyright © MALUNDE 1 BLOG | Powered by Malunde