WAZIRI KALEMANI AAGIZA MRADI WA KUSAMBAZA UMEME SINGIDA UKAMILIKE IFIKAPO SEPTEMBA 10 | MALUNDE 1 BLOG

Friday, August 14, 2020

WAZIRI KALEMANI AAGIZA MRADI WA KUSAMBAZA UMEME SINGIDA UKAMILIKE IFIKAPO SEPTEMBA 10

  Malunde       Friday, August 14, 2020

Na Ismaily Luhamba Singida.
WAZIRI wa Nishati Dkt. Medard Kalemani ametoa agizo kwa mkandarasi anayetekeleza mradi wa kusambaza umeme vijijini REA awamu ya pili Mkoa wa Singida pamoja na Shirika la umeme Tanzania TANESCO Mkoa huo kuhakikisha wanamaliza mradi huo ifikapo Septemba 10 mwaka huu.
Ametoa Agizo hilo jana wakati akiwa kwenye ziara ya kikazi baada ya kutembelea Kijiji cha Kisiriri kilichopo Wilayani Iramba Mkoni Singida ambapo alikagua na kujionea kazi ya kusambaza umeme wa REA awamu ya pili ambapo inafanyika kwa kusuasua.
Dkt Kalemani aliitaka Kampuni ya JV MEMEC &DESCO ya Kitanzania inayotekeleza Mradi huo kuwa ifikapo Septemba 10 mwaka huu wawe wamekamilisha mradi huo.
“Nasema hivi kuanzia leo hakuna mtu kurudi mjini hasa nyinyi wakandarasi, mtabaki huku mpaka tarehe 10 nitakapo kuja mimi mwenyewe kwenye uzinduzi na uwashwaji umeme katika Vijiji vyote 51 ili kumaliza huu mgogoro, nawataka hawa wakandarasi Tanesco pamoja na Rea wawe wanakwenda kusaini kila siku katika kituo cha Polisi kilichopo karibu na sehemu wanayo fanyia kazi na mimi niwe napatiwa taarifa kila wiki”, alisema Kalemani.

Pia Kalemani aliwataka Tanesco kuipima Kampuni ya JV EMEC & DESCO kwa siku saba kama kweli wanaweza kumaliza kazi hiyo kwa muda aliyowapa, na kama hawawezi kumaliza kwa wakati wavunje huo mkataba na kampuni hiyo.
Aidha ameipongeza kampuni ya CCCE ETERN CONSORTIUM LTD ya Kichina ambayo inatekeleza mradi wa REA awamu ya tatu mzunguko wa kwanza kwa kufanikiwa kusambaza umeme kwenye Vijiji 1680, ambapo vimebaki  vijiji 26 kwa Mkoa mzima ili kumaliza kazi ya kusambaza umeme.
Kwa upande wake Mkuu wa Mkoa huo, Dkt Rehema Nchimbi amesema atahakikisha anasimamia maelekezo hayo ili kabla ya muda uliopangwa na Waziri kuisha mradi huo uwe umekamilika.
“Kupitia kamati yangu ya ulinzi na usalama nitahakikisha mkandarasi anakwenda kituo cha polisi kila siku na kusaini kama ulivyoagiza na ripoti hiyo nitakutumia mimi mwenyewe”, alisema Dkt Nchimbi.



Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post