MAKADA 70 WA CCM LEO WAMEOMBA KUGOMBEA UBUNGE JIMBO LA KAHAMA MJINI, USHETU NA MSALALA | MALUNDE 1 BLOG

Tuesday, July 14, 2020

MAKADA 70 WA CCM LEO WAMEOMBA KUGOMBEA UBUNGE JIMBO LA KAHAMA MJINI, USHETU NA MSALALA

  Malunde       Tuesday, July 14, 2020
Katibu wa Chama Cha Mapinduzi (CCM) wilaya ya Kahama Emmanuel Mbamange (kushoto) akimkabidhi fomu ya kugombea Ubunge Jimbo la Kahama Mjini, Shidula Mabambasi


Na Salvatory Ntandu - Kahama
Baada ya Chama Cha Mapinduzi (CCM) kuanza zoezi la kutoa fomu za kugombea nafasi mbalimbali ndani ya chama hicho kuanzia leo Julai 14, 2020, Jumla ya wanachama  70 wa CCM wakiwemo wanawake 7 wamejitokeza kuchukua fomu za kuomba ridhaa ya kuchaguliwa na chama hicho katika nafasi za Ubunge majimbo ya Kahama Mjini,Ushetu na Msalala.

Akizungumza na Waandishi wa Habari leo baada ya kukamilisha siku ya kwanza ya utoaji wa fomu za Ubunge na Udiwani, Katibu wa CCM wilaya ya Kahama, Emmanuel Mbamange amesema mwaka huu wagombea wengi wamejitokeza kuwania nafasi za ubunge tofauti na uchaguzi wa mwaka 2015.

Amesema katika Jimbo la Kahama Mjini leo wamejitokeza wagombea 37 ambapo kati yao wanawake ni sita na vijana ndiyo wameongoza katika zoezi hilo ambalo linatarajia kufungwa Julai 17, 2020 saa 10 jioni.

“Katika Jimbo la Msalala mpaka sasa kuna wagombea 25 ambapo mwanamke ni mmoja huku Jimbo la Ushetu likiwa na wagombea nane pekee,natarajia mpaka tarehe ya mwisho wagombea wengi watajitokeza kuomba nafasi mbalimbali za Ubunge na udiwani ili waweze kuwatumikia wananchi katika maeneo yao,”amesema Mbamange.

Amebainisha kuwa CCM mpya inayoongozwa na Rais Dk. John Magufuli imejidhatiti kuboresha demokrasia ndani ya chama hicho, hali ambayo imesababisha watu wengi kukipenda chama hicho na mazuri yanayofanywa na serikali ya awamu ya Tano ikiwa ni pamoja na kutatua kero zinazowakabili wananchi wanyonge.

“Kukua kwa demokrasia ndani ya CCM imewavutia watu wengi kujiunga na chama ndiyo maana unaona watu wengi wanaomba nafasi mbalimbali za uongozi kutokana na misingi mizuri inayosimamiwa na mwenyekiti wetu wa Taifa Dk Magufuli,”amesema Mbamange.

Sambamba na hilo amesema kuwa jumla ya wagombea 50 wamejitokeza kugombea nafasi za udiwani wa viti maalum huku katika kila kata zote katika majimbo matatu fomu za udiwani zikiendelea kutolewa ambapo mwitikio nao umekuwa ni mkubwa ikilinganishwa na uchaguzi mkuu wa mwaka 2015.
Katibu wa CCCM wilaya ya Kahama Emmanuel Mbamange (Kushoto) akimkabidhi fomu ya kuwania ubunge wa Jimbo la Msalala, Anitha Obadia Shamawele.


Katibu wa CCCM wilaya ya Kahama Emmanuel Mbamange
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post