WilDAF YAENDELEA KUFANYIA MAREKEBISHO YA SHERIA YA MIRATHI ILI KUTOA HAKI KWA WAJANE | MALUNDE 1 BLOG

Friday, June 26, 2020

WilDAF YAENDELEA KUFANYIA MAREKEBISHO YA SHERIA YA MIRATHI ILI KUTOA HAKI KWA WAJANE

  Malunde       Friday, June 26, 2020


Mwanasheria wa Shirika la Wanawake Katika Sheria na Maendeleo Barani Afrika (Wildaf) Zakia Msangi akizungumza kuhusiana na maadhimisho ya wiki Wajane Duniani namna Sheria zinazofanya kukosa haki Wajane hao.
Mkurugenzi wa Chama Cha Wajane Rose Sarwatt akizungumza na kuhusiana na maadhimisho ya wiki ya Wajane na hatua mbalimbali za kuhakikisha wanapata haki na masuala mbalimbali katika jamii 
Mjane Faith Mwankonsye -Okoyo akizungumza kuhusiana na changamoto za Wajane wanazokutanazo katika masuala ya mirathi. 
Mkurugenzi wa Gender and Idolences Intiative (GIA) Idd Mziray akizungumza kuhusiana na mradi wa kuweza kutumia takwimu katika masuala ya waathirika wa Sheria.


Na Mwandishi Wetu, Dar es salaam

SHIRIKA la Wanawake Katika Sheria na Maendeleo Barani Afrika (WilDAF) limesema kuwa Serikali inaendelea kufanyia marekebisho ya sheria ya mirathi ili kuweza kutoa haki kwa wajane pindi wanapokuwa wamefungua shauri linalohusiana na mirathi.

Akizungumza na APC Blog kuelekea kilele cha siku wajane Duniani Mwanasheria wa Shirika hilo Zakia Msangi amesema kuwa serikali imekuwa karibu katika kuhakikisha maboresho ya sheria ya mirathi kwa wajane inaboreshwa na kazi hiyo wameendelea kuifanya kuweza kupata maboresho hayo.

Amesema kumekuwa na majadiliano ya wadau mbalimbali wanaoangazia masuala ya sheria ya wajane na watoto ambapo serikali imekuwa ikishiriki kwa kuchukua mawazo katika kuweza kufanya maboresho ya sheria hizo.

“Tumeona dhamira ya serikali katika kufanyia marekebisho sheria ya mirathi hii itatoa haki kwa wajane ambapo ni tofauti na ilivyo kwa sasa kwani wajane wengi hawajui hata namna ya kuweza kufungua shauri la mirathi katika mahakama”amesema Msangi.

Ameongeza katika maboresho juu kuwepo kwa adhabu ya wafujaji mali za marehmu ili kuweza kuwa fundisho kwa wengine wanaokimbilia mali huku wakiacha wajane wakiteseka.

Nae Mkurugenzi wa Chama cha Wajane Tanzania (TAWIA) Rose Sarwatt amesema katika maadhimisho hayo kufanya ni mara sita na kuwa na mwitikio mkubwa wanawake wajane katika kufikisha kilio chao katika masuala yanayowazunguka.

Amesema kuwa wana ofisi katika kila kanda ambapo wajane wengi wamekuwa na changamoto katika mirathi kutokana na mila na desturi ya wanawake kutopewa kipaombele pindi anapoondokewa na mwenza wake.

Mjane Faith Mwansye-Okoyo amaesema amesema wajane wanapitia katika changamoto kubwa pindi ndugu wa marehemu wanapofika katika kuhakikisha wanamiliki mali bila kujua hata mahitaji ya watoto.

Amesema kuwa katika suala muhimu ni kuwa na Utamaduni wa kuandika wosia kwa pande zote hali ambayo itapunguza dhuruma za mali za marehemu.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post