WABUNGE 15 WA CHADEMA WAPIGWA MARUFUKU KUINGIA BUNGENI DODOMA KUANZIA LEO | MALUNDE 1 BLOG

Wednesday, May 13, 2020

WABUNGE 15 WA CHADEMA WAPIGWA MARUFUKU KUINGIA BUNGENI DODOMA KUANZIA LEO

  Malunde       Wednesday, May 13, 2020

Na Zena Mohamed, Dodoma
SPIKA wa Bunge la Jamhuri ya Muungano wa Tanzania, Job Ndugai, amekiagiza Kitengo cha Usalama cha Bunge kutoruhusu wabunge 15 wa Chama cha Demokrasia na Maendeleo (CHADEMA) kuingia maeneo ya Bunge kuanzia jana hadi watakapotimiza masharti mawili waliyopewa.

Taarifa iliyotolewa kwa vyombo vya habari na Ofisi ya Spika jijini Dodoma leo ilieleza kwamba hatua hiyo ni kwa mujibu we Kanuni ya 144 ya Kanuni za Kudumu za Bunge inayohusu usalama katiko maeneo ya Bunge.
Masharti mawili ambayo wabunge hao wanatakiwa kuyatekeleza ndipo waruhusiwe kuingia bungeni ni pamoja na kurejesha fedha walizolipwa mara moja.
Wabunge hao wanadaiwa kulipwa fedha kwa ajili ya posho sh. 110, lakini hawakuhudhuria vikao vya Bunge kitendo ambacho Spika Ndugai amekifananisha na wizi kama wizi mwingine.
Pili, Spika Ndugai alisema kwa kuwa haijulikani wabunge hao walipo, watalazimika kuwasilisha ushahidi kwamba wamepimwa na hawana maambukizi ya Virusi vya Covid-19 kabla ya kuruhusiwa kuingia Bungeni.
Taarifa hiyo iliwataja wabunge ambao hawatakiwi kuonekana eneo la Bunge kuwa Freeman Mbowe (Kiongozi wa Upinzani Bungeni), Ester Bulaya, Halima Mdee, John Heche, Joseph Mbilinyina Mchungaji Peter Msigwa.
Wabunge wengine ni Rhoda Kunchela, Pascal Haonga, Catherine Nyakao Rage, Devotha Minja, Joyce Mukya, Aida Khenan, Upendo Peneza, Grace Kiwelu na Joseph Haule.






Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post