TANZANIA YATHIBITISHA KUPATA MGONJWA WA CORONA..WAZIRI ASIMULIA JINSI MGONJWA ALIVYOINGIA TANZANIA HADI AKAGUNDULIKA | MALUNDE 1 BLOG

Monday, March 16, 2020

TANZANIA YATHIBITISHA KUPATA MGONJWA WA CORONA..WAZIRI ASIMULIA JINSI MGONJWA ALIVYOINGIA TANZANIA HADI AKAGUNDULIKA

  Malunde       Monday, March 16, 2020
Waziri wa Afya Ummy Mwalimu amesema mtanzania mmoja ambaye aliingia nchini Machi 15 kupitia uwanja wa Ndege wa Kimataifa wa Kilimanjaro akitokea Ubelgiji amethibitika kuwa na virusi vya Corona. Ummy amesema ni mwanamke mwenye miaka 46.

Waziri wa Afya, Ummy Mwalimu amesema kuwa tarehe 15 Machi 2020, katika Uwanja wa Ndege wa Kimataifa wa Kilimanjaro (KIA) walipokea msafiri raia wa Tanzania mwanamke mwenye umri wa miaka 46, ambaye aliwasili na ndege ya Rwanda akitokea nchini Ubelgiji.

Waziri Ummy amesema kuwa msafiri huyo aliondoka tarehe 3 Machi 2020, ambapo kati ya tarehe 5-13 Machi alitembelea nchi za Sweden na Denmark na kurudi tena Ubelgiji na kurejea nchini tarehe 15 Machi saa 10 jioni.

Ameeleza kuwa msafiri huyo alipita uwanja wa KIA na kufanyiwa ukaguzi na kuonekana kutokuwa na homa lakini baadae alianza kujisikia vibaya akiwa hotelini na kwenda hospitali ya Rufaa ya Mkoa ya Mt. Meru.

Mara baada ya kufika hospitalini alifanyiwa vipimo na kisha sampuli ilichukuliwa na kupelekwa maabara ya Taifa ya afya iliyopo Dar es Salaam kwa ajili ya uchunguzi.

Baada ya vipimo vya maabara kufanyika vimethibitisha kuwa mtu huyo ana maambukizi ya ugonjwa wa corona (COVID-19), ambapo waziri Ummy amesema mgonjwa anaendelea vizuri na matibabu.

Waziri Ummy amewatoa hofu Watanzania kwa kusema Serikali imejiandaa vyema kukabiliana na ugonjwa huo huku akiwataka watu kuendelea kuchukua tahadhari zaidi.

Tazama hapo chini



Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post