KIKUNDI CHA KWAYA YA BUNGE LA TANZANIA KIMEANZA KUONGOZA KUIMBA WIMBO WA JUMUIYA YA AFRIKA MASHARIKI BUNGENI DODOMA | MALUNDE 1 BLOG

Tuesday, January 28, 2020

KIKUNDI CHA KWAYA YA BUNGE LA TANZANIA KIMEANZA KUONGOZA KUIMBA WIMBO WA JUMUIYA YA AFRIKA MASHARIKI BUNGENI DODOMA

  Malunde       Tuesday, January 28, 2020
Na.Faustine Gimu Galafoni,Dodoma.

Kikundi Cha Kwaya  Ya Bunge kimeaanza Rasmi Kuongoza  Kuimba Wimbo Wa Jumuiya Ya Afrika Mashariki Na Wimbo Wa Taifa Pindi  Shughuli Za Bunge Zinapoanza.


Awali, wimbo wa Taifa na ule wa Afrika Mashariki wakati wa ufunguzi na ufungaji wa mikutano ya Bunge ulikuwa ukiimbwa na kwaya Jeshi la Kujenga Taifa (JKT), lakini leo uliimbwa na watumishi wa Bunge.

Akizungumza leo Jan,28,2020, bungeni jijini Dodoma Spika  Wabunge wa bunge la Jamhuri ya Muungano wa Tanzania Mhe.Job Ndugai amesema mamlaka aliyonayo  kwa mujibu wa Katiba ya Jamhuri ya Muungano wa Tanzania kuanzia sasa bunge ameliamuru kuwa na desturi ya kuimba nyimbo hizo muhimu pindi  vikao na shughuli za bunge zinapoanza .

Ndugai amelishukuru Jeshi la Polisi  kwa kuwafundisha watumishi hao ambapo baada ya kuimba wabunge waliwapigia makofi kuwapongeza. 
___________________


WIMBO WA JUMUIYA YA AFRIKA MASHARIKI



1. Ee Mungu twaomba ulinde
Jumuiya Afrika Mashariki
Tuwezeshe kuishi kwa amani
Tutimize na malengo yetu.

Chorus 

Jumuiya Yetu sote tuilinde
Tuwajibike tuimarike
Umoja wetu ni nguzo yetu
Idumu Jumuiya yetu.

2. Uzalendo pia mshikamano
Viwe msingi wa Umoja wetu
Natulinde Uhuru na Amani
Mila zetu na desturi zetu.

Chorus 

Jumuiya Yetu sote tuilinde
Tuwajibike tuimarike
Umoja wetu ni nguzo yetu
Idumu Jumuiya yetu.

3. Viwandani na hata mashambani
Tufanye kazi sote kwa makini
Tujitoe kwa hali na mali
Tuijenge Jumuiya bora.

Chorus 

Jumuiya Yetu sote tuilinde
Tuwajibike tuimarike
Umoja wetu ni nguzo yetu
Idumu Jumuiya yetu.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post