MCHUNGAJI ANAYEDAIWA KUTENGENEZA 'MCHAWI FEKI' IRINGA APINGANA NA POLISI | MALUNDE 1 BLOG

Wednesday, September 4, 2019

MCHUNGAJI ANAYEDAIWA KUTENGENEZA 'MCHAWI FEKI' IRINGA APINGANA NA POLISI

  Malunde       Wednesday, September 4, 2019


Kushoto ni RPC Iringa, Juma Bwire na kulia ni mama anayedaiwa kuwa Mchawi, Magreth Simon.

Mchungaji Jeremiah Charles mkazi wa Ilula mkoani Iringa, aliyezua gumzo hivi karibuni mara baada ya mwanamke aliyedaiwa kufanya mambo ya kishirikina kuganda juu ya nyumba yake, ameeleza kushangazwa na taarifa zinazoeleza kuwa mchawi huyo alilipwa pesa ili afanye kimbwanga hicho.

Hayo ameyabainisha leo Septemba 4, 2019 wakati akizungumza na EATV & EA Radio Digital na kusema kuwa, anahisi kuna mchezo umefanyika kwa jambo la ukweli kugeuzwa kuwa ni la uongo, kwani mtuhumiwa huyo amekaa muda mrefu polisi bila kufikishwa mahakamani na yeye anachoamini anafanyakazi ya Mungu na wala hahusiki na kutoa hongo yoyote kwa mwanamke huyo.

''Wale polisi kazi yao ni polisi, mimi ni mtumishi na mtumishi anafanya kazi ya kiroho na wao wanafanyakazi ya Serikali, haya mambo ya kiroho watayajua upana wake kivipi, mambo ya imani wanayajua watumishi, mimi ndo najua kwamba, imani yangu nilivyoomba Mungu ndiye aliyejibu, kwahiyo wao kama wamefanya uchunguzi ni wa kibinadamu, mimi ninachokijua katika ulimwengu wa kiroho kuna vita kati ya Shetani na Mungu, na nguvu ya Mungu siku zote itabaki kuwa juu.'' amesema Mchungaji Jeremiah.

Tukio hilo la mwanamke kukutwa juu ya paa akiwa amevalia mavazi meusi na ungo, lilitokea mwishoni mwa mwezi wa Agosti, ambapo Jeshi la Polisi Iringa lilimshikilia mwanamke huyo kwa ajili ya mahojiano na siku ya jana ya Septemba 3,2019 ilitoa taaarifa iliyoeleza udanganyifu uliofanywa na mwanamke huyo, ikiwemo ukweli wa tukio lenyewe pamoja na majina na mkoa aliotoka.
Chanzo-EATV
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post