Thursday, September 27, 2018

MANUSURA FEKI WAIBUKA KWENYE MGAWO WA MILIONI MOJA ZA AJALI MV NYERERE

  Malunde       Thursday, September 27, 2018
Baada ya serikali kutangaza nyongeza ya Sh. milioni moja kwa kila ndugu aliyefiwa na ndugu yake katika ajali ya kivuko cha MV. Nyerere, wameanza kujitokeza watu wakidai na wao walikuwa kwenye kivuko hicho.


Hata hivyo, serikali imeushtukia utapeli huo na kuweka wazi kuwa hakuna mtu yeyote wa aina hiyo atakayepewa fedha hizo.


Akizungumzia suala la watu kujitokeza kudai fidia, Mwenyekiti wa Kamati ya Maafa ambaye ni Waziri wa Ujenzi, Uchukuzi na Mawasiliano, Isack Kamwelwe, alisema hawatatoa fedha zozote kwa mtu ambaye hayumo katika orodha ya waliofariki na manusura.


Waziri Kamwelwe alisema kuwa idadi inayotambuliwa na serikali ni watu waliofariki ambao ni 228 na waliookolewa ni 41 tu.


“Yule anayejidanganya kujitokeza eti alikuwa katika kivuko ili alipwe huyo asahau, alikuwa wapi kujitokeza siku ile au kesho yake ambapo serikali ilikuwa hapa inafanya uhakiki,” alisema Waziri Kamwelwe jana na kuongeza:


“Idadi ikiongezeka ni ya wale marehemu watakaopatikana na tukajiridhisha ndugu waliojitokeza ni halali watapatiwa fedha zao na si vinginevyo.”


Aidha, Kamwelwe alisema idadi ya miili imefikia 228, ingawa kulikuwapo na taarifa ya kuonekana kwa miili miwili katika kijiji jirani.


Hata hivyo, alieleza kuwa ulikutwa mwili mmoja, hivyo idadi kufikia 229 si sahihi.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post