Tume ya Uchaguzi nchini Uganda imemtangaza Rais Yoweri Kaguta Museveni kuwa mshindi wa uchaguzi mkuu uliofanyika Alhamisi ya wiki hii, baada ya kupata kura 7,946,772, sawa na asilimia 71.65 ya kura zote halali zilizopigwa.Kwa mujibu wa matokeo rasmi yaliyotolewa na tume hiyo, mpinzani wake wa karibu Robert Ssentamu Kyagulanyi, maarufu kama Bobi Wine, ameshika nafasi ya pili kwa kupata kura 2,741,238, sawa na asilimia 24.72.
Idadi ya Wapiga Kura na Kura Batili
Tume ya Uchaguzi imeeleza kuwa jumla ya kura 11,366,201 zilipigwa katika uchaguzi wa mwaka 2026, ikiwa ni asilimia 52.50 ya wapiga kura waliojiandikisha.
Hata hivyo, kura 275,353 sawa na asilimia 2.42 ya kura zote zilizopigwa zilitangazwa kuwa batili.
Matokeo Kamili ya Wagombea
— Yoweri Kaguta Museveni 7,946,772 (71.65%)
— Robert Kyagulanyi (Bobi Wine) 2,741,238 (24.72%)
— Nandala Mafabi 209,039 (1.88%)
— Mugisha Muntu 59,276 (0.53%)
— Bulira Frank 45,959 (0.41%)
— Kasibante Robert 33,440 (0.30%)
— Mubarak Munyagwa 31,666 (0.29%)
— Joseph Mabirizi 23,458 (0.21%)
Museveni Aongeza Miaka Mitano Madarakani
Ushindi huu unamaanisha kuwa Museveni ataongeza muda wake wa uongozi uliodumu kwa takribani miaka 40 kwa kipindi kingine cha miaka mitano.
Upinzani Wakataa Matokeo
Awali, Bobi Wine alitangaza kutokubali matokeo hayo, akiwataka wananchi wa Uganda kushiriki maandamano ya amani kupinga kile alichokitaja kuwa ukiukwaji wa haki ya kidemokrasia.
Historia ya Uongozi
Museveni, mwenye umri wa miaka 81, aliingia madarakani kwa mara ya kwanza mwaka 1986 kama kiongozi wa waasi, na tangu wakati huo ameshinda chaguzi saba, akiendelea kuwa mmoja wa marais waliodumu madarakani kwa muda mrefu zaidi barani Afrika.
Social Plugin