MKURUGENZI WA TPDC AKAYAKOROGA KAULI YAKE YA UHABA WA MAFUTA

Waziri wa Nishati January Makamba kulia na kushoto ni Mkurugenzi wa TPDC Dkt.James Mataragio

Waziri wa Nishati January Makamba, amesema Mkurugenzi wa Shirika la Maendeleo ya Petroli Nchini Dkt.James Mataragio, atafika ofisini kwake kwa ajili ya kutolea maelezo kauli yake aliyosema kwamba kama meli ya mafuta haitoingia nchini ndani ya siku 15 basi kutakuwa na uhaba wa mafuta.

Waziri Makamba ameyaeleza hayo, kupitia ukurasa wake wa Twitter ambapo amesema kwamba hakuna uhaba wa mafuta nchini na wala hakuna haja ya kuzua taharuki kuhusu upatikanaji wa nishati hiyo na kwamba serikali inaendelea kuchukua hatua ili kuongeza uhakika wa upatikanaji wake na unafuu wa bei.

"Kauli ya uhakika ni ya serikali, Mkurugenzi wa TPDC atatoa taarifa kuhusu taarifa yake hii manake aliitoa kwenye semina ya wanahabari lakini ni gazeti moja tu ndio limeandika, pia atakuja ofisini kutoa maelezo kabla hatujachukua hatua za ziada," ameandika Waziri Makamba wakati akijibu swali la mwanachi aliyehoji kuhusu mkanganyiko wa taarifa hizo.

Chanzo - EATV

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com au WhatsaApp: + 255 757 478 553 au 0625 918 527