WASINDIKAJI NA WAJASIRIAMALI WA KOROSHO MKOA WA MTWARA WAPATIWA MAFUNZO YA UBORA WA VIWANGO - MALUNDE 1 BLOG | Fahari ya Shinyanga

Breaking

Monday, September 6, 2021

WASINDIKAJI NA WAJASIRIAMALI WA KOROSHO MKOA WA MTWARA WAPATIWA MAFUNZO YA UBORA WA VIWANGO


****************************

Shirika la Viwango Tanzania (TBS) limetoa mafunzo kwa Wajasiriamali na Wasindikaji wa korosho mkoani Mtwara ili kuwajengea uelewa kuhusu viwango katika bidhaa zao.

Akizungumza mara baada ya kufungua mafunzo hayo Mkuu wa Mkoa wa Mtwara Mhe.Brigedia Jenerali Marco Gaguti amesema wajasiriamali na wasindikaji wa korosho wasiopungua 40, wanapatiwa mafunzo kwani wanafanya shughuli zao na tayari bidhaa zao zipo kwenye soko ila hazijathibitishwa ubora na TBS.

Aidha amesema mafunzo hayo ni njia muafaka wa kuleta tija zaidi katika juhudi za kuliletea taifa maendeleo ya haraka kulingana na fursa zilizopo hasa kwenye sekta ya viwanda,Kilimo,Biashara, Uvuvi na maeneo mengine mengi.

"Mafunzo haya yamekuja kwa wakati muafaka ambapo Serikali imeazimia kwa dhati kabisa kuendeleza viwango ili kutoa ajira katika kada mbalimbali pamoja na kuziwezesha bidhaa zetu kushindana katika masoko ya ndani, kikanda na nje ya nchi". Amesema Mhe.Brigedia Jenerali Gaguti.

Amesema TBS inaendelea kutekeleza majukumu yake kwa kushirikiana na watendaji waliopo katika halmashauri zetu nchini ili kurahisisha kufikisha huduma kwa wananchi.

Download/Pakua App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com au WhatsaApp: + 255 757 478 553 au 0625 918 527

No comments:

Post a Comment

Pages