NEMC WASHIRIKIANA NA SUA KUZINDUA WARSHA YA MRADI WA UTAFITI WILAYANI MBARALI MKOANI MBEYA | MALUNDE 1 BLOG

Thursday, July 29, 2021

NEMC WASHIRIKIANA NA SUA KUZINDUA WARSHA YA MRADI WA UTAFITI WILAYANI MBARALI MKOANI MBEYA

  Malunde       Thursday, July 29, 2021

Mkuu wa Wilaya ya Mbarali Mhe. Ruben Mfune, akifungua rasmi warsha ya uzinduzi wa mradi wa usimamizi endelevu wa madakio ya maji kupitia Tathmini ya kuimarisha mtiririko wa maji kwa Mazingira na utekelezaji wake katika kulinda ukanda wa Magharibi mwa Bahari ya Hindi kutokana na Athari za shughuli za Kubinadamu, Tanzania iliyofanyika Wilaya ya Mbalali Mkoa wa Mbeya.
Meneja, Tafiti za Mazingira wa Baraza la Taifa la Hifadhi na Usimamizi wa Mazingira (NEMC) Bi. Rose Mtui, akitoa salamu na ujumbe kutoka kwa Mkurugenzi Mkuu wa NEMC wakati wa ufunguzi wa warsha hiyo iliyofanyika Wilaya ya Mbarali Mkoa wa Mbeya.
Sehemu ya washiriki wa warsha ya uzinduzi wa mradi wa usimamizi endelevu wa madakio ya maji kupitia Tathmini ya kuimarisha mtiririko wa maji kwa Mazingira na utekelezaji wake katika kulinda ukanda wa Magharibi mwa Bahari ya Hindi kutokana na Athari za shughuli za Kubinadamu, Tanzania wakisikilia maelezo yanayotolewa na Mkuu wa Wilaya ya Mbarali Mhe. Ruben Mfune (hayupo pichani).
Mkuu wa Wilaya ya Mbarali Mhe. Ruben Mfune akiwa katika picha ya pamoja na washiriki wa warsha ya uzinduzi wa mradi wa usimamizi endelevu wa madakio ya maji kupitia Tathmini ya kuimarisha mtiririko wa maji kwa Mazingira na utekelezaji wake katika kulinda ukanda wa Magharibi mwa Bahari ya Hindi kutokana na Athari za shughuli za Kubinadamu, Tanzania.

***
Ni jukumu la kila mdau kama vile serikali za Mitaa, wakulima, wafugaji, jumuia za watumiaji maji, watunzaji wa mazingira na taasisi binafsi kuhakikisha kwamba rasilimali maji zote zinalindwa kikamilifu kwa ajili ya uendelevu wa madakio ya maji na maisha kwa ujumla.   

Hayo yamesemwa  na Mkuu wa Wilaya ya Mbarali Mh.Reuben Mfune ambaye alikua Mgeni Rasmi wakati wa warsha ya  uzinduzi wa Mradi wa utafiti wa usimamizi endelevu wa madakio ya maji kupitia tathimini ya kuimarisha mtiririko wa maji kwa mazingira na utekelezaji wake katika kulinda Ukanda wa Magharibi mwa Bahari ya Hindi kutokana na athari za shughuli za kibinadamu , Tanzani(EFLOWS) . Uzinduzi huo umefanyika Rujewa-Wilayani Mbarali katika Mkoa wa Mbeya.

Vile vile Mheshimiwa Mfune, ametoa  shukrani kwa Shirika la Umoja wa Mataifa la Uhifadhi wa Mazingira (UNEP) kwa ufadhili wa kifedha katika mradi huo, pia Sekretarieti ya Azimio la Nairobi (Nairobi Convection Secretariat) ambayo ni msimamizi wa utekelezaji. Pamoja  na Waratibu wa mradi huo kutoka Baraza la Taifa la Usimamizi wa Mazingira (NEMC) na Chuo Kikuu cha Sokoine cha Kilimo (SUA) kwa kujitoa kwao kutekeleza mradi huu ambao ni mojawapo ya miradi iliyopo katika nchi zilizo kwenye Mpango Mkakati wa nchi za Magharibi mwa Ukanda wa Bahari ya Hindi 
 
Aidha, amesema kuwa anafurahi  kuona kwamba masuala ya mazingira kama vile umwagiliaji, kilimo kandokando ya kingo za mito, ufugaji wa mifugo ndani ya kidakio cha mto Mbarali na Bonde la Rufiji pamoja na ongezeko la watu, vinasimamiwa kwa uhifadhi kamilifu wa eneo la Magharibi mwa Ukanda wa Bahari ya Hindi. Na muhimu zaidi kwa ajili ya mtiririko endelevu wa maji kuelekea Mradi wa kufua umeme wa Mwalimu Nyerere (Julius Nyerere Hydro Power Project - JNHPP).

Naye Mkurugenzi Mkuu wa NEMC katika hotuba yake ya ukaribisho kwa mgeni Rasmi iliyosomwa kwa niaba yake na Meneja wa Utafiti-NEMC Bi Rose Salema Mtui amesema kuwa  NEMC kwa kushirikiana na taasisi za kitaaluma/utafiti zimekuwa zikitengeneza miradi/programu  na kufanya tafiti na mojawapo ni kama mradi huo uliozinduliwa kwa lengo la kutatua matatizo mbalimbali ya kimazingira. 

“Kupitia mradi huu, utekelezaji wa mtiririko wa maji kwa mazingira (env. flow) ni muhimu sana kwa uendelevu wa ikolojia ya mto; na natumaini wadau wote na Serikali kwa ujumla watakuwa tayari kutoa ushirikiano mkubwa kuhakikisha malengo ya mradi huu yametimia” alisema.

Akiongea katika warsha hiyo ya Uzinduzi Mkurugenzi wa Shahada za Juu Uhawilishwaji wa teknolojia za Kitafiti kutoka Chuo Cha Sokoine SUA Profesa Ezron Karimuribo  amesema kuwa kuna uharibifu mkubwa wa vyanzo vya maji Nchini na umetokana na shughuli mbalimbali za kibinadamu kama vile ukataji miti, uchomaji misitu, kilimo pembezoni mwa vyanzo vya maji, uchimbaji madini,ufuagji na uchepushaji wa maji. Hivyo basi katika mradi huo  ambao utafanyika katika wilaya ya Mbarali  na wilaya hiyo imechukuliwa kama kianzio tu.

Mradi huo utafiti wa usimamizi endelevu wa madakio ya maji kupitia tathimini ya kuimarisha mtiririko wa maji kwa mazingira na utekelezaji wake katika kulinda Ukanda wa Magharibi mwa Bahari ya Hindi kutokana na athari za shughuli za kibinadamu, Tanzani(EFLOWS unaratibiwa na Baraza la Taifa la Hifadhi na Usimamizi wa Mazingira (NEMC) na Chuo cha Kilimo cha Sokoine (SUA).
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post