TAREHE 17 ILIVYOLETA MAUMIVU KWA WATANZANIA | MALUNDE 1 BLOG

Thursday, March 18, 2021

TAREHE 17 ILIVYOLETA MAUMIVU KWA WATANZANIA

  Malunde       Thursday, March 18, 2021


Charles James, Michuzi TV

JEMEDARI Ameondoka! Ndio ni huzuni, vilio na simanzi kila pembe ya Tanzania, kila pembe ya Afrika na hata Dunia nayo imezizima. Mzalendo mwenye mapenzi na Tanzania yake, Rais Dk John Magufuli amelala usingizi wa milele.

Taarifa iliyotolewa na Makamu wa Rais Mama Samia Suluhu Hassan inaeleza kuwa Rais Dk Magufuli amefariki Dunia jana Machi 17 majira ya saa 12 za jioni katika Taasisi ya Moyo ya Jakaya Kikwete alipokua amelazwa tangu Machi 6 akipatiwa matibabu.

Tarehe hii 17 Machi ni mwezi mmoja tangu Makamu wa Kwanza wa Rais wa Zanzibar, Maalim Seif Shariff Hamad atangazwe kufariki Dunia ambapo nae alikua amelazwa katika Hospitali ya Taifa ya Muhimbili akipatiwa matibabu ya maradhi yaliyokua yakimsumbua.

Kifo cha Maalim Seif kilitangazwa na Rais wa Zanzibar, Dk Hussein Mwinyi Februari 17 mwaka huu.

Aliyekua Katibu Mkuu Kiongozi, Balozi John Kijazi nae alitangazwa kufariki siku hiyo hiyo ya Februari 17 ikiwa ni siku moja yeye na Maalim Seif.

Hivyo Tarehe 17 inabaki kuwa tarehe iliyoleta majonzi kwa watanzania na kuitikisa Dunia kwa ujumla kwani imeshuhudiwa viongozi wake wawili, Rais Dk Magufuli, Maalim Seif na Balozi Kijazi wakifariki ndani ya tarehe hiyo.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post