FADev KUTOA RUZUKU KWA WANAWAKE WACHIMBAJI WADOGO WA MADINI SHINYANGA | MALUNDE 1 BLOG

Wednesday, March 24, 2021

FADev KUTOA RUZUKU KWA WANAWAKE WACHIMBAJI WADOGO WA MADINI SHINYANGA

  Malunde       Wednesday, March 24, 2021

Katibu mtendaji wa Taasisi ya kuendeleza wachimbaji wadogo FADev Tina Mwasha, akielezea malengo ya taasisi hiyo kwenye sekta ya madini kwa wachimbaji wadogo.

Na Marco Maduhu, Shinyanga.

TAASISI ya kuendeleza wachimbaji wadogo wa madini hapa nchini (FADev), wanatarajia kuanza utoaji wa fedha za Ruzuku kwa wanawake ambao ni wachimbaji wadogo wa madini ya dhahabu mkoani Shinyanga, pamoja na kuwapatia mkopo wa vifaa vya uchimbaji bila riba, ili kuwakuza kwenye sekta hiyo na kuwainua kiuchumi.

Meneja miradi kutoka tasisi hiyo Evance Lubara, alibainisha hayo jana wakati wakitambulisha mradi wa Jinsia kwenye sekta ya madini, wa kuwezesha wanawake kushiriki kikamilifu kwenye uchimbaji wa madini, ambao utatekelezwa mkoani Shinyanga, kwa kuanza na migodi iliyopo Msalala wilayani Kahama.

Alisema katika mradi wao wa jinsia, wamejipanga kuwawezesha wanawake kuwaunga kwenye vikundi vya ujasiriamali ambao ni wachimbaji wadogo, na kisha kuwapatia fedha ili wapate mitaji ya kuendesha shughuli hizo za uchimbaji madini, pamoja na vifaa vya uchimbaji bila riba na kuinuka kiuchumi.

"Taasisi yetu ya FADev tumeanza kuwezesha wanawake ambao ni wachimbaji wadogo wa madini, kuwapatia fedha za Ruzuku kwa ajili ya mitaji, ambapo tuta anza na kuwezesha kutoa kiasi cha fedha Sh. 500,000 hadi Milioni moja kupitia kwenye vikundi, na watakao kuwa wakifanya vizuri wataongezewa Ruzuku," alisema Lubara.

Aidha alisema pia vikundi hivyo vya wanawake wachimbaji wadogo wa madini ya dhahabu, watakuwa wakikopeshwa vifaa vya kisasa vya uchimbaji madini bila ya kutozwa riba, lengo likiwa ni kuwainua akina mama kwenye sekta hiyo ya madini na kiuchumi.

Kwa upande wake Katibu mtendaji wa Taasisi hiyo ya FADev, Tina Mwasha, alisema katika mradi huo, watawapatia pia wanawake elimu ya ujasiriamali, wakiwamo na wanaume, ili fedha wanazozipata waziwekeze kwenye miradi mingine ya maendeleo na kukua kiuchumi, ikiwa ipo siku madini yataisha au wao kumaliza nguvu za uchimbaji.

Mwasha alisema mbali na kuwezesha wanawake, pia watakuwa wakitoa elimu kwa wachimbaji wote wadogo wa madini, namna ya utunzaji wa mazingira, usalama kwa kuvaa vifaa kinga, kuacha matumizi ya kemikali, pamoja na kutunza taarifa za mauzo ya madini, ili wakopesheke kwenye taasisi za kifedha.

Naye Ofisa maendeleo ya jamii mkoani Shinyanga Tedyson Ngwale, alisisitiza kwenye uwezeshaji huo wanawake wachimbaji wadogo wa madini, wapewe zaidi vifaa vya uchimbaji madini kuliko fedha, ili kuondoa changamoto ya ulaji fedha hizo za Ruzuku.

Pia Katibu wa chama cha wachimbaji wadogo wa madini mkoani Shinyanga (SHIREMA) Gregory Kibusi, alisema taasisi hiyo imefika katika muda muafaka, ambapo wachimbaji wadogo wanakabiliwa na changamoto nyingi wakiwamo wanawake, ambao wamekuwa wakikosa haki zao sababu ya masuala ya mifumo kandamizi zikiwamo mila na mfumo dume.

TAZAMA PICHA HAPA CHINI
Katibu wa Taasisi ya kuendeleza wachimbaji wadogo FADev Tina Mwasha, akizungumza kwenye kikao cha kutambulkisha mradi wao wa jinsia wa kuwezesha wanawake kushiriki kikamilifu katika shughuli za uchimbaji wa madini.
Meneja miradi kutoka Taasisi ya kuendeleza wachimbaji wadogo FADev Evance Lubara, akizungumza kwenye kikao hicho na kueleza namna kazi zao zilivyolenga kusaidia wachimbaji wadogo wa madini pamoja na kuchangia ukuaji wa pato la taifa.
Meneja miradi kutoka Taasisi ya kuendeleza wachimbaji wadogo FADev Evance Lubara, akonyesha lengo la Tatu la Taasisi hiyo ambalo kwa sasa ndio wanalifanyika kazi, kwa kuhamasisha ushiriki wa wanawake katika shughuli za uchimbaji mdogo wa madini.
Katibu wa chama cha wachimbaji wadogo wa madini mkoani Shinyanga (SHIREMA) Gregory Kibusi, akipongeza Tasisi hiyo ya FADev katika kusaidia wachimbaji wadogo wa madini.
Washiriki wakiwa kwenye kikao cha FADev.
Washiriki wakiwa kwenye kikao cha FADev.
Washiriki wakiwa kwenye kikao cha FADev.
Washiriki wakiwa kwenye kikao cha FADev.
Washiriki wakiwa kwenye kikao cha FADev.
Picha ya pamoja mara baada ya kikao cha FADev kumalizika.

Na Marco Maduhu- Shinyanga.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post