MAELFU WAANDAMANA MALI WAKITAKA RAIS WA NCHI AJIUZULU | MALUNDE 1 BLOG

Saturday, June 20, 2020

MAELFU WAANDAMANA MALI WAKITAKA RAIS WA NCHI AJIUZULU

  Malunde       Saturday, June 20, 2020
Makumi ya maelfu ya wananchi wa Mali wamefanya maandamano makubwa katika mji mkuu Bamako, wakishinikiza kujiuzulu Rais Ibrahim Boubacar Keita wa nchi hiyo.

Waandamanaji hao wamesikika wakilaani uongozi mbaya na kashfa za ufisadi zinaoikabili serikali ya Rais Keita.

Katika maandamano hayo ya jana Ijumaa, Cheick Oumar Sissoko, kiongozi wa upinzani nchini humo amewaambia wafuasi wake walioshiriki maandamano hayo kuwa, "tumeafikiana kuunganisha nguvu na kambi zetu zote hadi pale rais atakapojiuzulu."

Keita ambaye alichaguliwa kuwa rais wa Mali kwa muhula wa pili mwaka 2018, anaandamwa na ukosoaji mkubwa kwa kushindwa kuimarisha usalama eneo la kaskazini mwa nchi, kufeli kuipatia ufumbuzi migomo ya walimu, kushindwa kulishughulikia janga la corona na mvutano wa kisiasa uliosababaishwa na uchaguzi tata wa bunge wa mwezi Machi mwaka huu.

Itakumbukwa kuwa, Mali imekuwa katika mivutano ya kisiasa tangu kuibuka machafuko nchini humo mwaka 2012 yaliyosababisha uasi wa baadhi ya wanajeshi na kumpindua Rais Amadou Toumani Toure ambaye aliiongoza nchi hiyo kwa muda kwa miaka 10.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post