RAIS MAGUFULI KAFANYA UTEUZI WA VIONGOZI WATANO...MREMA YUMO | MALUNDE 1 BLOG

Monday, January 20, 2020

RAIS MAGUFULI KAFANYA UTEUZI WA VIONGOZI WATANO...MREMA YUMO

  Malunde       Monday, January 20, 2020

Rais wa Jamhuri ya Muungano wa Tanzania, Dkt. John Pombe Magufuli amefanya uteuzi wa wenyeviti 5 wa bodi za taasisi za Serikali baada ya bodi za taasisi hizo kumaliza muda wake.

Taarifa iliyotolewa na Katibu Mkuu Kiongozi, Balozi John Kijazi imeeleza kuwa wenyeviti hao wameongezewa muda baada ya vipindi vyao vya awali kumalizika;

Kwanza, Rais Magufuli amemteua Agustino Lyatonga Mrema kuwa Mwenyekiti wa Bodi ya Parole.

Pili, Rais Magufuli amemteua Dkt. Harun Ramadhani Kondo kuwa Mwenyekiti wa Bodi ya Shirika la Posta Tanzania (TPC).

Uteuzi wa Mrema na Dkt. Kondo umeanza tarehe 20 Januari, 2020.

Tatu, Rais Magufuli amemteua Prof. Mayunga Habibu Hemed Nkunya kuwa Mwenyekiti wa Bodi ya Baraza la Taifa la Ujenzi (NCC).

Nne, Rais Magufuli amemteua Fidelis Kashumba Mutakyamilwa kuwa Mwenyekiti wa Bodi ya Tume ya Taifa Mipango na Matumizi ya Ardhi.

Tano, Mhe. Rais Magufuli amemteua Bw. Peter Maziku Maduki kuwa Mwenyekiti wa Bodi ya Mamlaka ya Elimu na Mafunzo ya Ufundi Stadi (VETA).

Uteuzi wa Prof. Nkunya, Bw. Mutakyamilwa na Bw. Maduki umeanza tarehe 17 Januari, 2020.

Wakati huo huo, Mhe. Rais Magufuli amemteua Dkt. Noel Biseko Logwa kuwa Mkurugenzi Mkuu wa Makumbusho ya Taifa. Uteuzi wa Dkt. Logwa umeanza tarehe 17 Januari, 2020 na kabla ya uteuzi huo alikuwa Mhadhiri na Mkuu wa Idara ya Akiolojia na Mafunzo ya Urithi (Archeology and Heritage Studies) ya Chuo Kikuu cha Dar es Salaam.

Dkt. Logwa amechukua nafasi ya Prof. Audax Mabula ambaye amestaafu.





Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post