SIMBA AMLA MTOTO MBELE YA MAMA YAKE | MALUNDE 1 BLOG

Tuesday, August 6, 2019

SIMBA AMLA MTOTO MBELE YA MAMA YAKE

  Malunde       Tuesday, August 6, 2019

Kamanda wa Polisi Mkoa wa Katavi Benjamin Kuzaga, ameeleza kutokea kwa tukio la mtoto mwenye umri wa miaka 6, aliyeuawa baada ya kuliwa na Simba, wakati akiwa amelala na mama yake katika Kijiji cha Sitalike wilayani Mpanda.

Tukio hilo limetokea mwishoni mwa wiki majira ya usiku, ambapo mtoto huyo akiwa amelala na mama yake ndani ya nyumba ambayo haikuwa na mlango imara, walivamiwa na mnyama huyo.

"Walikuwa wanaishi nyumba ambayo haikuwa na mlango imara, huyu mtoto siku zote yuko na wazazi wake, siku ya tukio baba hakuwepo nyumbani. Ule udhaifu wa mlango ulichangia mnyama huyu kuingia ndani kirahisi," alisema Kamanda Kuzaga.

Inaelezwa mnyama huyo aliingia ndani na kumnyakua mtoto huyo na kisha kutoka naye nje, licha ya mama ake kupambania maisha na uhai wa mwanaye lakini juhudi zake hazikuzaa matunda baada ya mnyama huyo kutokomea gizani.

Baada ya polisi na wanakijiji kufika eneo la tukio, walikuta mtoto huyo tayari ameliwa na simba ambaye hawakuweza kumwona na kukuta mabaki ya kichwa na mifupa ya miguu pekee.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post