MPC YAKANUSHA UZUSHI WA TAARIFA YA WAANDISHI WA HABARI KUNUNULIWA BEI YA MAJI MWANZA | MALUNDE 1 BLOG

Thursday, August 22, 2019

MPC YAKANUSHA UZUSHI WA TAARIFA YA WAANDISHI WA HABARI KUNUNULIWA BEI YA MAJI MWANZA

  Malunde       Thursday, August 22, 2019
TAARIFA  KWA    VYOMBO   VYA HABARI  JUU YA TUHUMA ZA WAANDISHI WA HABARI

Klabu  ya  Waandishi  wa    habari    ya  Mkoa  wa  Mwanza  (MPC)  imepokea  kwa  masikitiko  makubwa    taarifa   zinazosambaa   kwenye    mitandao  ya  kijamii    juu    ya  waandishi  wa  habari  wa  Mkoa    wa  Mwanza kununuliwa    na  MWAUWASA  ili    kutoandika    habari    za  ongezeko  la  bei  za  maji  Jijini    Mwanza.


MPC  inawataka    wadau    kuzipuuza    taarifa    hizo    kwani    zina    lengo  la    kuzichafua    taasisi    zetu    mbili, MWAUWASA    NA  MPC  pamoja      na  waandishi  wa  habari  wa    Mkoa  wa  Mwanza,    kupitia    kwa  watu wachache    wasio    na  nia    njema    na  taasisi    hizo  na     wenye    uelewa    mdogo    wa  sayansi    ya    mahusiano   na  uandishi  wa  habari.   

Ifahamike  kuwa,  MPC    ndio    iliyoingia  kwenye    fungate  na  MWAUWASA  kuandaa    ziara    ya  waandishi  wa habari  wa  Mkoa  wa  Mwanza  kuitembelea    miradi  ya  maji  inayosimamiwa  na    MWAUWASA  kwa  lengo    la kujenga    ufahamu  wa  miradi  hiyo  kwa  waandishi  wa  habari  wa  Mkoa  wa  Mwanza  ,  hivyo  MPC    ndiyo  iliyoalika  waandishi  mia  moja(100)  kwenda    ziara    hiyo  na  sio  sabini    kama    inavyoelezwa  na  msambazaji wa  taarifa    hiyo,  ambaye    anaonyesha  kutofahamu  hata    takwimu    halisi.

Ndugu    Waandishi  wa  habari    ifahamike    kuwa,  ziara  za  waandishi  wa  habari   kwenda    kwenye    taasisi   fulani    kukagua  shughuli    zinazofanywa  na  taasisi    hiyo    siyo  suala    geni    hapa    Nchini,  jambo  hili   linafanywa    kila    siku,   mfano    ziara  za  waandishi  kutembelea    mradi  wa  reli  ya  kisasa  (SGR),  waandishi   kutembelea    Mbuga    za  wanyama,  waandishi  kutembelea    TBL  na  miradi  mingine,  msingi  wa  jambo  hili  ni kujenga  mahusiano   na  kuwarahisishia    waandishi    kuzifahamu    taasisi    husika    kwa  upana.

 Ikumbukwe    kuwa,  suala    la  kupanda    kwa  bei    za  maji    haikuwa    ajenda    ya    MPC    kwenye    kutembelea miradi  ya  MWAUWASA  ,  kwani      jambo  hilo  ni  jambo  la  kisheria    na  ikumbukwe  kuwa    MPC  haihusiki  kutengeneza  maudhui    ya    habari  kwa  vyombo  vya  habari,  hivyo  maamuzi  ya    kufuatilia  ongezeko  la    bei za  maji  yalibaki    kwa    vyombo    vya  habari    na  sio    ziara    ya  waandishi. 

  Pia    MWAUWASA  ilitoa  nafasi    ya    kila    Mwandishi    kuuliza    swali    lolote   alilokuwa    nalo  na  waandishi   walifanya  hivyo    na    habari    ziliandikwa  juu    ya    sababu    za  kupanda    kwa  bei  za  maji,  hivyo    waandishi walitekeleza    wajibu  wao  kwa  kufanya    uzania  kwa  pande  zote  mbili. 

Ndugu    waandishi,   mwandishi    anayesambaza  taarifa    hizo      ameshindwa    kuhoji    MPC,  MWAUWASA  na   hata    Mwandishi    mmoja    kati    ya  hao  sabini  aliowataja,  hii    inayoonyesha    udhaifu    mkubwa  wa  hoja   zake  pamoja  na  kutofahamu    msingi  wa  uandishi  wa  habari  na  sheria  mama    ya  taaluma.(MSA  Act,2016). 

Mwisho  MPC  tunaahidi    kuendelea    kufanya    kazi    na  MWAUWASA  ,  waandishi  wa  habari  na  wadau  wengine    wote    kwa  nia    ya  kuchakata      maendeleo    ya    Mkoa  wa  Mwanza.  
  
Edwin    Soko
Mwenyekiti- MPC
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post