Tuesday, April 16, 2019

SERIKALI KUFANYA MABADILIKO KANUNI ZA MATUMIZI YA NYAVU BAHARINI

  Malunde       Tuesday, April 16, 2019
Na Jacquiline Mrisho – MAELEZO

Serikali imepanga kufanya mabadiliko ya kanuni za matumizi ya nyavu upande wa bahari ili wavuvi waweze kutumia nyavu za milimita nane badala ya milimita kumi zilizokuwa zikitumika awali.

Hayo yamesemwa jana, Bungeni Jijini Dodoma na Naibu Waziri wa Mifugo na Uvuvi, Abdallah Ulega alipokuwa akijibu swali la Mbunge wa Ukerewe, Joseph Mkundi lililohoji kuwa ni lini Serikali itakuwa tayari kufanya utafiti katika eneo la Ziwa Victoria kama inavyofanya upande wa Bahari ili kuweza kuruhusu matumizi ya nyavu za chini ya milimita nane.

Ulega alisema kuwa kwa mujibu wa Sheria, nyavu za kuvulia dagaa zenye ukubwa wa macho chini ya milimita nane zimekatazwa kutumika kwa uvuvi wa dagaa katika maji baridi ikiwemo maeneo ya maziwa kwa sababu tafiti zinaonyesha kuwa aina hiyo ya nyavu ikitumika itavua dagaa wachanga hivyo kuathiri uvuvi wa dagaa.

“Taasisi ya Utafiti wa Uvuvi Tanzania itafanya utafiti na endapo itaridhika itaruhusu wavuvi wanaovua ziwani wavue kwa kutumia aina hiyo ya nyavu, kwa upande wa bahari  Serikali imeielekeza TAFIRI kufanya utafiti na kujiridhisha kwa ajili ya kufanya mabadiliko ya kanuni kwa haraka ili ikiwezekana tuweze kutumia nyavu za milimita nane zitakazoweza  kuwanufaisha wavuvi wa upande wa bahari”,  alisema Ulega.

Alifafanua kuwa kwa upande wa bahari, nyavu zilizokuwa zikitumika kuvua dagaa ni milimita kumi lakini maoni ya wadau wengi yanaonesha kuwa milimita kumi zimeshindwa kuvua dagaa ndio maana Serikali imeamua kufanya utafiti huo ili kuona kama inawezekana wavuvi wa bahari kutumia nyavu za milimita nane.

Akizungumzia kuhusu uvuvi wa samaki aina ya Gogogo, Ngele na Mingu waliopo katika Ziwa Victoria, Naibu Waziri Ulega amesema kuwa katika mabadiliko ya Kanuni yanayofanyika hivi sasa Serikali imezingatia kufanya makubaliano ya kupitisha kanuni rasmi itakayoruhusu uvuaji na matumizi ya aina hizo za samaki.

Waziri Ulega alitoa rai kwa wavuvi kuendelea kuzingatia sheria na kanuni zilizopo kwani Sheria na kanuni hizo zinalenga uvuvi unaofanyika nchi uwe endelevu na wenye tija.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post