Friday, March 15, 2019

MWANAFUNZI WA KIDATO CHA KWANZA AKUTWA AMEUAWA SHAMBANI

  Malunde       Friday, March 15, 2019

Kamanda wa polisi mkoani Geita, Mponjori Mwabulambo

Mwanafunzi wa kidato cha kwanza katika shule ya sekondari ya Yungwe wilayani Nyang’hwale Mkoani Geita, Alex Pastory amekutwa ameuawa kwenye eneo la kichaka huku sababu za kifo hicho zikiwa bado hazijajulikana.

Akizungumza na Waandishi wa habari, Kamanda wa Polisi wa mkoa wa Geita, Mponjoli Mwabulambo amesema marehemu wakati akiwa shuleni akiendelea na masono aliomba ruhusa ya kwenda nyumbani kwao Ukerewe kwa ajili ya matibabu kutokana na hali ya afya yake kutokuwa nzuri.

Amesema,marehemu alipewa ruhusa na kuondoka kwenda nyumbani na alivyomaliza matibabu February 28 mwaka huu alirejea shuleni na kuendelea na masomo yake.

Aidha,Kamanda Mponjoli amesema tangu Machi Mosi mwezi huu mwanafunzi huyo alitoweka shuleni pia hakuonekana katika maeneo ya nyumbani ambapo alikuwa amepanga.

Sanjari na hayo, Kamanda amesema ilipofika tarehe 8 mwezi huu mama mmoja ambaye jina lake halikujulikana, wakati akiwa shambani analima aliona fuvu la binadamu kwenye eneo la shamba lake hali iliyomshtua na kupelekea kuwaita wananchi na walipofika na kuchunguza walibaini kuwa ni mabaki ya nguo za shule kuwepo kwenye eneo hilo.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post