Thursday, December 6, 2018

TCRA SASA KUWATAMBUA MAFUNDI SIMU , WATAKIWA KUJISAJILI.

  Kanyefu       Thursday, December 6, 2018

Serikali imeagiza kusajiliwa kwa mafundi wanaotengeneza simu nchini ili mafundi hao waweze kufanya kazi zao kwa mujibu wa sheria, na kutoa huduma zenye viwango na ubora.

Kauli hiyo ya serikali imetolewa na Naibu Katibu Mkuu wa Wizara ya Mawasiliano, Dkt, Jim Yonaz alipokuwa akiwatunuku vyeti vya mafunzo ya miezi 5 mafundi simu 68, ambayo yalitolewa na Chuo cha Sayanasi na Teknolojia DIT.

Akizungumza na mafundi hao Naibu Katibu Mkuu huyo amesema hatua ya TCRA kuwatambua mafundi hao ni muendelezo wa kuunga mkono juhudi za kuelekea uchumi wa viwanda ambayo ni sera ya serikali ya awamu ya tano.

“Kuanzisha mafunzo haya ya kurasimisha ufundi wa simu za mkononi kutawasaidia mafundi kufanya kazi kwa weledi na ufahamu lakini pia itaisaidia TCRA kutoa leseni kwa mafundi ambao kiwango chao kinafahamika," amesema Yonaz.

“Yamekuja kwa wakati muafaka na naomba yaendelee kusimamiwa vyema ili mafundi simu za mikononi nchini kote waweze kupata elimu hii, ” ameongeza.

Mwaka 2016 serikali kupitia mamlaka ya Mawasiliano Tanzania TCRA iliendesha zoezi la kuzifungia simu feki ambazo zimeingia nchini bila ya kuwa na imei namba ambapo kupitia zoezi hilo maelfu ya wamiliki wa simu na wafanyabiashara wa simu walipoteza simu zao.
Chanzo: Eatv
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post