Friday, October 26, 2018

TCRA KUWASHUGHULIKIA WASANII WANAOSAMBAZA VIDEO ZA NGONO MTANDAONI

  Malunde       Friday, October 26, 2018

Kaimu Meneja Mawasiliano wa TCRA, Semu Mwakanjala (kushoto) akiwa na Wema Sepetu.

Mamlaka ya Mawasiliano nchini (TCRA), imesema Jeshi la Polisi kitengo cha makosa ya mtandaoni ndicho chenye jukumu la kuchukua hatua za kisheria kufuatia kusambaa mitandaoni kwa video za wasanii mbalimbali hapa nchini zenye maudhui ya kingono.

Kaimu Meneja Mawasiliano wa TCRA, Semu Mwakanjala ameieleza East Africa Breakfast kuwa, kazi ya mamlaka hiyo ni kuelimisha kuhusu matumizi sahihi ya mitandao ya kijamii.

Mwakanjala amesema kuwa, makosa yote ya jinai yakiwemo yale ya mitandao hushughulikiwa na jeshi la polisi na kwamba mamlaka hiyo inachoweza kufanya ni kutoa usaidizi wa kiuchunguzi na kiteknolojia tu kwa jeshi la polisi pale linapokuwa linashughulikia uhalifu huo.

"Sisi kazi yetu ni kuelimisha matumizi sahihi ya mitandao, tukiwataka watumie kwa faida kwakuwa mitandao ya kijamii imerahisisha maisha, lakini makosa hayo hatushughuliki nayo bali yanasimamiwa na kitengo cha makosa ya mitandaoni chini ya jeshi la polisi", amesema Mwakanjala.

Video za wasanii watatu wa kike, zimesambaa mitandaoni tangu juzi, wasanii hao ni pamoja na mshindi wa taji la Miss Tanzania mwaka 2006, na mwigizaji Wema Sepetu, Amber Rutty pamoja na Amber Lulu.

Tayari msanii Wema Sepetu na Amber Rutty wamejitokeza na kuomba radhi kutokana na kusambaa kwa video hizo, huku wakishindwa kufafanua mazingira ya kurekodiwa na hata kusambaa kwake.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post