Tuesday, February 6, 2018

MGANDA ALIYEINGIZA MAMILIONI YA FEDHA TANZANIA AKWEPA JELA

  Malunde       Tuesday, February 6, 2018

Mahakama ya Hakimu Mkazi Kisutu imemhukumu raia wa Uganda, Winfred Businge kulipa faini ya Sh100 milioni au kutumikia kifungo cha miaka mitatu jela.


Businge (33), amelipa faini hivyo kukwepa kifungo.


Hukumu imetolewa leo Jumanne Februari 6,2018 na hakimu mkazi mkuu, Huruma Shaidi baada ya mshtakiwa kukiri kosa.


Mshtakiwa alifikishwa mahakamani akidaiwa kuingiza nchini dola 1 milioni za Marekani (Sh2.2 bilioni) bila kutoa taarifa kwa mamlaka ya forodha.

Businge anadaiwa kutenda kosa hilo Desemba 11,2017 katika Uwanja wa Ndege wa Kimataifa wa Julius Nyerere (JNIA) jijini Dar es Salaam.

Kesi hiyo ilikuwa ikiendeshwa na wakili wa Serikali mwandamizi, Awamu Mbagwa na mshtakiwa aliwakilishwa na wakili Hudson Ndusyepo.

Mshtakiwa aliposomewa shtaka kwa mara ya kwanza alikana na alikuwa nje kwa dhamana.

Kwa mara ya kwanza, Rais John Magufuli Desemba 13,2017 alizungumza kuhusu fedha hizo alipokuwa akifungua tawi la Benki ya CRDB mjini Dodoma.

NaTausi Ally, Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post