WATALII WAVUNJA REKODI MLIMA KILIMANJARO KWA MCHEZO WA VIKWAZO KRETA, WATEREMKA HADI CHINI KWA KUKIMBIA | MALUNDE 1 BLOG

Monday, September 20, 2021

WATALII WAVUNJA REKODI MLIMA KILIMANJARO KWA MCHEZO WA VIKWAZO KRETA, WATEREMKA HADI CHINI KWA KUKIMBIA

  Malunde       Monday, September 20, 2021
Kundi la watalii 45 kutoka mataifa 23 kote duniani limeweka rekodi mpya katika Hifadhi ya Taifa ya Kilimanjaro kwa kufanya michezo ya kupita katika vikwazo kwenye eneo la kreta, pamoja na kushuka  kutoka katika kilele cha Uhuru kwa kukimbia.

Watalii wanamichezo hawa waliokuwa wakishiriki katika zoezi maalum la kuruka vikwazo kwenye maeneo yenye miinuko ya juu waligawanyika katika makundi makuu mawili kwenye zoezi hili lililochukua takribani siku tano.

Kundi la kwanza lilipanda Mlima Kilimanjaro kwa utaratibu wa kawaida hadi kilele cha Uhuru na kushuka chini kwa kukimbia na kufika katika eneo la Kreta walilolitumia kucheza michezo mbalimbali ya kuruka vikwazo.

Aidha, kundi la pili nalo lilipanda kwa utaratibu wa kawaida, na baada ya kufika kilele cha Uhuru walishuka chini hadi katika Lango la Mweka kwa kukimbia.

Michezo hii ambayo imefanyika kwa mara ya kwanza kwenye Mlima Kilimanjaro inafahamika duniani kama Altitude Obstacle Course Races  World Championships, ililenga  kuunganisha pamoja watalii kutoka mataifa mbalimbali duniani kushiriki utalii wa michezo kwa pamoja ambayo pia ni mojawapo ya bidhaa za utalii zinazopatikana katika Hifadhi ya Kilimanjaro.

Waanzilishi wa michezo hiyo David  Pickles na Rob Edmond wamesema michezo ya mwaka huu imefanikiwa sana kwa kuwa Mlima Kilimanjaro unazo sifa zote za kimsingi za kuwezesha kutimia kwa malengo ya  michezo hii. Wameamua kuwa litakuwa ni tukio la kila kwaka kwa Mlima Kilimanjaro ambapo watu kutoka mataifa yote duniani wataalikwa kushiriki.

Pascal Shelutete

SAC CC TANAPA

20.09.2021 

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post