MLINZI AUAWA KWA KUCHOMWA KISU AKIMZUIA JAMAA KUFANYA MAPENZI NA MHUDUMU WA GESTI KAHAMA

Na Kadama Malunde - Malunde 1 blog

Mlinzi Kampuni ya Ulinzi ya Mast Holding aitwaye Steven Felician Samandari (25) ameuawa kwa kuchomwa kisu tumboni na mtu aliyekuwa amemkamata baada ya kuruka uzio akifuatilia wahudumu wa Bar/Guest house kwa ajili ya mapenzi Mjini Kahama.

Kwa Mujibu wa taarifa ya Kamanda wa Polisi Mkoa wa Shinyanga ACP George Kyando kwa vyombo vya habari, tukio hilo limetokea Septemba 11,2021 majira ya saa nane usiku katika mtaa wa Nyahanga kata ya Nyahanga Manispaa ya Kahama.

 "Mlinzi huyo aliuawa kwa kuchomwa kisu tumboni na mtu aliyekuwa amemkamata baada ya kuruka uzio akifuatilia wahudumu wa bar/guest kwa ajili ya mapenzi",amesema.

"Chanzo cha tukio hilo ni kufuatilia wahudumu wa bar/guest kwa ajili ya mapenzi. Eneo la tukio kimeokotwa kisu kikiwa tumboni. Mbinu iliyotumika ni kuchoma kisu tumboni",amesema Kamanda Kyando.

Kamanda Kyando amesema Jeshi la Polisi linamshikilia mwanamke aitwaye Fatuma Juma Charles (22), mhudumu wa bar kwa uchunguzi.

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com au WhatsaApp: + 255 757 478 553 au 0625 918 527