ASKARI POLISI AMUUA KWA KUMPIGA RISASI MWENZAKE WAKIMKIMBIZA DEREVA WA LORI ALIYEGOMA KUSIMAMA | MALUNDE 1 BLOG

Sunday, August 22, 2021

ASKARI POLISI AMUUA KWA KUMPIGA RISASI MWENZAKE WAKIMKIMBIZA DEREVA WA LORI ALIYEGOMA KUSIMAMA

  Malunde       Sunday, August 22, 2021


 Polisi wa kike kutoka kituo cha Polisi cha Gilgil Weighbridge kwenye barabara ya Ngong-Suswa amempiga risasi kimakosa afisa mwenzake wakimkimbiza dereva wa lori ambaye alikuwa amekataa kusimama licha ya kuamuriwa.

Kulingana na ripoti ya polisi iliyorekodiwa Jumapili, Agosti, 22,2021 Emma Sopiato na wenzake walikuwa ndani ya gari aina ya Toyota Hilux Double Cabin wakimfukuza dereva huyo wa lori ambaye alikuwa amekataa kusimama licha ya kuamuriwa.

 Hii ilipelekea mbio za paka na panya kati ya magari hayo mawili.

 Walipofika katika soko la Kimuka, dereva huyo wa lori alisimama na kisha alianza kurudi nyuma akiwa na nia ya kugonga gari la polisi.

 "Afisa huyo wa kike ambaye alikuwa ameketi nyuma ya dereva alitoa bunduki yake aina ya AK 47, ambayo ilimgonga koplo Fanuel Abongo, kwenye upande wa kulia wa mbavu zake na kutokea upande wa kushoto wa mbavu zake," ilisoma ripoti hiyo ya polisi.

Kisha Abongo alikimbizwa haraka katika Hospitali ya Kaunti Ndogo ya Ngong na baadaye alihamaishwa hadi Hospitali ya Kitaifa ya Kenyatta (KNH) kwa matibabu maalum.

 Kwa bahati mbaya Abongi akithibitishwa kuaga dunia alipowasili KNH. Maafisa wa upelelezi wameshikilia kuwa bado wanachunguza tukio hilo. 

Kulingana na ripoti ya polisi, bunduki ambayo ilitumika katika kisa hicho imewekwa chini ya ulinzi na mshukiwa amezuiliwa.

Chanzo - Tuko News
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post