SEKTA YA UTANGAZAJI YAHIMIZWA KUZINGATIA SHERIA NA KANUNI | MALUNDE 1 BLOG

Wednesday, July 28, 2021

SEKTA YA UTANGAZAJI YAHIMIZWA KUZINGATIA SHERIA NA KANUNI

  Malunde       Wednesday, July 28, 2021

Mkurugenzi Mkuu wa TCRA, Dkt. Jabiri K. Bakari akizungumza NA Washiriki katika Mkutano wa Madau, Maudhui ya Utangazaji-Jijini Dodoma.
Washiriki katika Mkutano wa Madau, Maudhui ya Utangazaji

*****************

SERIKALI imehimiza watoa huduma za Mawasiliano Nchini, kuzingatia Sheria na Kanuni zilizomo kwenye Leseni katika Utoaji wa huduma husika kwa Wananchi.

Akizindua kikao cha Watoa Huduma za Utangazaji na Maudhui Jijini Dodoma Tarehe 28-07-2021, wadau kutoka Azam Media, Multchoice Tanzania limited, Watoa Huduma kwa njia ya Cable, COSOTA na TFF ni baadhi ya washiriki waliohudhuria ambapo, Mkurugenzi Mkuu wa Mamlaka ya Mawasiliano Tanzania (TCRA) Dkt. Jabiri K. Bakari, amesema baadhi Kanuni za Maidhui na Utangazaji zinafanyiwa maboresho na zinatarajia kuanza hivi karibuni

Dkt. Jabiri amesema kuwa TCRA imeboresha utendaji kazi zake kwa kuweka mifumo madhubuti zaidi na imeendelea kutoa ushauri kwa watoa huduma kila mara. Kikao hicho shirikishi pia kilihudhuliwa na watoa huduma za utangazaji na maudhui kutoka vyombo vya habari mbalimbali.

Kikao hicho ambacho kimeratibiwa na Mamlaka ya Mawasiliano Tanzania (TCRA) kanda ya kati, kililenga kutoa elimu ya namna bora zaidi katika kufikisha maudhui kwa walaji bila kuwa na migongano baina ya watoa huduma. Pia kikao kimependekeza wanaochakata maudhui kuangalia namna nzuri zaidi ya kuzuia maudhui yasiyo na staha kwa Jamii ili kuondoa malalamiko ndani ya Jamii.

Kikao kimependekeza pia vikao kama hivi viwe vinafanywa mara kwa mara ili kuongeza ufahamu zaidi kwa watoa huduma na Mamlaka za Serikali zinazosimamia sekta ya maudhui ya Utangazaji.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post