TAKUKURU YAMSHIKILIA MWANAUME KWA KUTAPELI MILIONI 100 AKIJIFANYA MGANGA WA JADI NA KUTAKA NGONO KWA WANAWAKE | MALUNDE 1 BLOG

Saturday, April 10, 2021

TAKUKURU YAMSHIKILIA MWANAUME KWA KUTAPELI MILIONI 100 AKIJIFANYA MGANGA WA JADI NA KUTAKA NGONO KWA WANAWAKE

  Malunde       Saturday, April 10, 2021

Picha haihusiani na habari hapa chini

***

Na Faustine Gimu - Dodoma

TAASISI ya Kuzuia na Kupambana na Rushwa (TAKUKURU) Mkoani Dodoma inamshikilia Luka Nkini mwenye umri wa miaka 38 Mkazi wa Airport Dodoma kwa tuhuma  za kujifanya mganga wa kienyeji huku akiwataka baadhi ya akina mama afanye nao ngono kama sharti la kuwasaidia ambapo amejipatia kiasi cha Sh.Milioni 100 na tano na viwanja viwili.

Hayo yameelezwa leo Jijini Dodoma na Mkuu wa TAKUKURU  Mkoa wa Dodoma, Sostheness Kibwengo wakati akizungumza na Waandishi wa Habari kuhusu utendaji wao wa kazi  kwa robo ya Januari  hadi mwezi Machi Mwaka huu.

Kibwengo amebainisha kuwa mtuhumiwa huyo  ametenda kosa hilo kinyume na Sheria ya kuzuia na kupambana na rushwa sura namba 329 marejeo ya mwaka 2019.

Aidha amewataja wahalifu wengine ambao walikuwa wakishirikiana na Mtuhumiwa Nkini kuwa ni  Hussein Mvungi(44)mkazi wa Himo Mkoani Kilimanjaro ambaye nae ameshakamatwa na amekiri tuhuma dhidi yake pamoja na Bw. John Gabriel Munuo mkazi wa Sanyajuu Siha huku akimtaka Bwana Munuo kuripoti mara moja kwenye  Ofisi za Takukuru ambazo zipo karibu naye kabla ya rungu la Takukuru halijamfikia.

Katika hatua nyingine Kibwengo amesema kuwa  wameweza kuokoa zaidi ya Shilingi milioni 900 pamoja na Nyumba moja  na kiwanja kimoja ambapo kati ya fedha hizo kiasi cha sh Milioni 214,182,548 ni fedha ambazo zilikuwa haziwasilishwi NSSF na waajiri.

Hata hivyo Mkuu huyo wa Takukuru ametoa wito kwa wanachi kuwa makini na watu ambao ni matapeli kwani wamekuwa wakijifanya ni Maafisa wa Takukuru wa Mkoa kwakuwapigia simu na kuwataka kwenda  Dodoma au kuwatumia fedha na kwamba huo sio utendaji wa TAKUKURU hivyo wasihadaike bali watoe taarifa kwenye ofisi za Takukuru.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post