GARI LA KUBEBA MAITI LAKAMATWA LIKIWA NA MIRUNGI BUNDA 1685 TANGA | MALUNDE 1 BLOG

Wednesday, January 13, 2021

GARI LA KUBEBA MAITI LAKAMATWA LIKIWA NA MIRUNGI BUNDA 1685 TANGA

  TANGA RAHA BLOG       Wednesday, January 13, 2021
Kamanda wa Polisi Mkoa wa Tanga Blasius Chatanda akuzungumza na waandishi wa habari leo kwenye kituo cha Polisi Chumbageni Jijini Tanga kuhusu kukamatwa kwa mtuhumiwa huyo akiwa anasafirisha mirungi kwenye gari la kubebea miili ya marehemu

Gari la kubebea miili ya marehemu ambalo limekamatwa likiwa na mirungi 

JESHI la Polisi Mkoani Tanga limemkamata mkazi wa Kimara Jijini Dar es Salaam Simon Pasian Tarimo(37) akiwa amebeba mirungi bunda 1685 ambazo ni sawa na kilogramu 133  ikiwa imehifadhiwa ndani ya mifuko sita ya Salfate kwenye gari la kusafirishia miili ya marehemu .

Akizungumza na waandishi wa habari leo Kamanda wa Polisi Mkoa wa Tanga Blasius Chatanda alisema kwamba gari hilo lilikamatwa Januari 12 mwaka huu saa nane usiku huko kwenye Kijiji cha Manga Kata ya Mkata Tarafa ya Mazingira wilayani Handeni.

Akieleza namna walivyofanikiwa kukamatwa na gari hilo alisema askari waliokuwa doria walilishtukia na walipotaka kulilisimamisha dereva akataka kukimbia na wakamkimbiza na kufanikiwa kumkamata na walimuhoji sababu za kukimbia akiwa amesimamishwa na Polisi.

Alisema baada ya hapo Askari hao walitaka kulipekua na walipolipekua gari wakakuta kwenye eneo la kuweka mwili wakakuta mafurushi sita yakiwa yamehifadhiwa mirungi ndani yake na ni eneo ambalo wakati wa kwenda lilikaa Jeneza na wakati wanarudi ndipo walipoweka mirungi.

Kamanda huyo alisema katika mahojiano na dereva huyo alisema baada ya kupelekea mwili  Makanya Usangi wakati wa kurudi njiani eneo ambalo alilweka maiti akaaamua kuweka mirungi akiamini kwamba angeweza kusafiri salama asipekuliwe kwa sababu anaamini watanzania hawana utamaduni wa kukagua na kupekua magari ambayo yamebeba maiti.

Alilitaja gari la kusafirisha  miili ya marehemu ambalo limekamatwa na mirungi hiyo kuwa ni lenye namba za usajili T.569 DSZ aina ya Volvo ambalo ni maalumu kwa kubebea miiili ya marehemu ambalo linamilikiwa na mali ya Nuru Funeral Service iliyopo Jijini Dar es Salaam.

Kamanda Chatanda alisema mtuhumiwa huyo alikuwa akisafirisha mirungi hiyo akitokea Usangi kuelekea Jijini Dar es Salaam ambapo mbinu iliyotumika ni kuweka mfuko kwenye Jokofu linalotumika kuhifadhia Jeneza lenye maiti wakati wa kusafirisha.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post