WALIMU WAWILI KORTINI TUHUMA ZA MAUAJI YA MWANAFUNZI | MALUNDE 1 BLOG

Saturday, November 7, 2020

WALIMU WAWILI KORTINI TUHUMA ZA MAUAJI YA MWANAFUNZI

  Malunde       Saturday, November 7, 2020


Walimu wawili wa  Shule ya Awali na Msingi ya Holly Cross Nursery iliyopo Temeke jijijini Dar es Salaam wamefikishwa katika Mahakama ya Hakimu Mkazi Kisutu wakikabiliwa na shtaka la kudaiwa kumuua mwanafunzi wa Shule hiyo, Cathbert Chawe.

Washtakiwa hao ni, Leahdorice Agunda(35) na Maths Laizer ambaye ni Mkazi wa Mtoni Kijichi.

Wakisomewa hati ya mashtaka na  Wakili wa Serikali Mwandamizi,Wankyo Simon  mbele ya Hakimu Mkazi Mkuu,Yusto Ruboroga amedai kuwa washtakiwa wanakabiliwa na shtaka moja ambao mnamo Septemba 14, 2020 katika shule ya awali na Msingi ya Holly Cross Nursery iliyopo maeneo ya Kijichi Wilaya ya Temeke wote Kwa pamoja wanadaiwa kumuua mwanafunzi wa shule hiyo, Cathbert Chawe huku wakijua kufanya hivyo ni kosa la kisheria.

Wankyo amedai kuwa upelelezi wa shauri Hilo bado haujakamilika na hivyo aliiomba mahakama hiyo ipange tarehe nyingine kwa ajili ya kutajwa.

Baada ya maelezo hayo Hakimu Ruboroga amesema washtakiwa hao hawarihusiwi kujibu chochote kwa kuwa kesi hiyo ni ya mauaji hivyo ameahirisha shauri hilo Hadi Novemba 19, mwaka huu.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post