NEC YAMTEUA BERNARD MEMBE KUWA MGOMBEA URAIS WA TANZANIA KUPITIA ACT-WAZALENDO | MALUNDE 1 BLOG

Tuesday, August 25, 2020

NEC YAMTEUA BERNARD MEMBE KUWA MGOMBEA URAIS WA TANZANIA KUPITIA ACT-WAZALENDO

  Malunde       Tuesday, August 25, 2020

Tume ya Taifa ya Uchaguzi (NEC), imemteua Bernard Membe kuwa mgombea urais wa Tanzania kupitia ACT-Wazalendo na mgombea mwenza, Profesa Omar Fakih Hamad kwenye Uchaguzi Mkuu utakaofanyika Oktoba 28, 2020.

Membe na mgombea wake mwenza, Profesa Hamad wameteuliwa leo Jumanne tarehe 25 Agosti 2020 na Mwenyekiti wa NEC, Jaji Semistocles Kaijage katika ofisi za tume hiyo jijini Dodoma.

Membe aliyewahi kuwa waziri wa mambo ya nje wa Tanzania kati ya mwaka 2007 hadi 2015 enzi za utawala wa Rais mstaafu Jakaya Mrisho Kikwete, amekuwa mgombea wa tisa kuteuliwa na tume hiyo.

Wagombea wengine waliokwisha rejesha fomu na kuteuliwa ni; Rais John Pombe Magufuli (CCM), Leopard Mahona (NRA), John Shibuda (Ada Tadea), Mutamwega Mgaiwa (SAU), Cecilia Augustino Mwanga (Demokrasia Makini), Yeremia Maganja (NCCR-Mageuzi), Ibrahim Lipumba (CUF) na Philip John Fumbo wa DP.

Vyama vilivyojitokeza kuchukua fomu vilikuwa 17 na mpaka sasa vimerejesha tisa bado nane. Mwisho wa urejeshaji kwa mujibu wa NEC ni saa 10 jioni.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post