MKAZI WA BABATI AHUKUMIWA MIAKA 20 JELA KWA KUKUTWA NA NYAMA YA PUNDAMILIA | MALUNDE 1 BLOG

Thursday, August 27, 2020

MKAZI WA BABATI AHUKUMIWA MIAKA 20 JELA KWA KUKUTWA NA NYAMA YA PUNDAMILIA

  Malunde       Thursday, August 27, 2020
Na John Walter-Manyara

Mahakama ya Wilaya ya Babati, mkoani Manyara imemuhukumu Salimu Hassan Kijuu (38) kwenda jela miaka 20 kwa kupatikana na tuhuma za kumiliki nyara za serikali kinyume na utaratibu.

Akisoma mashtaka hayo agosti 26,2020, Mheshimiwa Hakimu wa mahakama hiyo Victor Kimario, alisema baada ya mahakama kuridhika na ushahidi uliotolewa, Mahakama  imemtia hatiani na kumpa adhabu hiyo ili iwe fundisho kwa wote wenye nia ya kutenda kosa kama hilo.

Mwendesha Mashtaka wa serikali upande wa Wanyamapori Rusticus Mhundi,  alieleza mahakamani hapo kuwa, mshtakiwa alitenda kosa hilo mwaka 2019  kijiji cha Gijedabong wilaya ya Babati kinyume na sheria ya wanyamapori Kifungu cha 86 (1) na (2) (b) ya sheria namba 5 ya mwaka 2009.

Alisema kuwa Mshtakiwa huyo ambaye ni mkazi wa Kijiji hicho  alitiwa hatiani baada ya kupekuliwa na Askari na kukutwa akiwa na nyama ya mnyama Pundamilia kilo 17 kwenye mfuko  ambayo thamani yake ni shilingi milioni Mbili laki saba na sitini.

Mahundi amesema mtuhumiwa amehukumiwa kwa kosa la uhujumu uchumi kama inavyoelekeza aya ya 14 kifungu cha 57 (1) na kifungu namba 60, kifungu kidogo cha pili cha sheria ya kuhujumu uchumi iliyofanyiwa marekebisho mwaka 2002 na kufanyiwa marekebisho na kifungu cha 16 (a) na 13 (b) za sheria namba 3 ya mabadiliko ya sheria ya mwaka 2016.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post