MTENDAJI AFIKISHWA MAHAKAMANI KWA KUPAPASA MATITI YA MTOTO | MALUNDE 1 BLOG

Monday, June 22, 2020

MTENDAJI AFIKISHWA MAHAKAMANI KWA KUPAPASA MATITI YA MTOTO

  Malunde       Monday, June 22, 2020

Mtendaji wa Mtaa wa Kyakailabwa Manispaa ya Bukoba mkoani Kagera, amefikishwa katika Mahakama ya Hakimu Mkazi Bukoba akikabiliwa na mashtaka mawili ya kumtorosha mtoto mwenye umri wa miaka 14 na kumfanyia shambulio la aibu la kumpapasa matiti.

Kesi hiyo namba 149 ya mwaka 2020, imesomwa Mahakamani hapo na Wakili wa Serikali Joseph Mwakasege, mbele ya Hakimu wa Mahakama hiyo Ruth Migan, amesema mshtakiwa huyo Patrick Rwegasira mwenye umri wa miaka 44 baada ya kumtorosha mtoto huyo, aliishi naye kwake na alimpapasa matiti akilenga kumfanyia vitendo vya aibu.

Mwakasege amesema kuwa mshtakiwa huyo alimchukua mtoto huyo kutoka kwa wazazi wake Juni 2 hadi 04 mwaka huu alipokamatwa na kupelekwa Polisi.

Akijitetea mshtakiwa huyo amedai kuwa mtoto huyo hajamtorosha, bali alikutana naye mtaani baada ya kufukuzwa na wazazi na kuamua kumpa hifadhi kama Mtendaji.

Mshtakiwa amerejeshwa rumande kutokana na kukosa wadhamini na kesi yake itatajwa tena Julai 6 mwaka huu.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post