Picha : KIKUNDI CHA WANAWAKE ‘WOMEN FORCE’ CHATOA MSAADA WA VIFAA KUKABILIANA NA CORONA HOSPITALI YA RUFAA MKOA WA SHINYANGA | MALUNDE 1 BLOG

Friday, May 22, 2020

Picha : KIKUNDI CHA WANAWAKE ‘WOMEN FORCE’ CHATOA MSAADA WA VIFAA KUKABILIANA NA CORONA HOSPITALI YA RUFAA MKOA WA SHINYANGA

  Malunde       Friday, May 22, 2020

Kikundi cha Wanawake maarufu ‘ Women Force’ kinachojihusisha na Masuala ya Hisa na Kusaidia Jamii kimetoa msaada wa vifaa kinga vyenye Thamani ya Shilingi 700,000/= kwa ajili ya kukabiliana na Maambukizi ya Virusi vya Corona (COVID -19) katika Hospitali ya Rufaa Mkoa wa Shinyanga.

Vifaa hivyo vimekabidhiwa leo Ijumaa Mei 22,2020 na Mwenyekiti wa Kikundi cha Women Force, Magreth Mambali kwa Mganga Mkuu wa Mkoa wa Shinyanga Dkt. Yudas Ndungile katika Hospitali ya Rufaa Mkoa wa Shinyanga.

Vifaa vilivyotolewa na Kikundi cha Women Force kilichopo katika Manispaa ya Shinyanga chenye wanachama 15 ni pamoja na Stendi mbili za Kisasa ya kunawia mikono bila kugusa koki,Barakoa 150, Gloves 200 na sabuni 36 za kunawia mikono vyote vikiwa na Thamani ya Shilingi 700,000/=.

Mwenyekiti wa Kikundi cha Women Force, Magreth Mambali amesema wanachama wa Kikundi hicho na wadau wengine wameamua kuchangishana fedha ili kununua vifaa kinga kwa ajili ya kuunga mkono jitihada zinazofanywa na Serikali katika Mapambano dhidi ya COVID – 19.

“Hiki ni kikundi cha Hisa hali kadhalika tunasaidia watu wenye uhitaji katika jamii wakiwemo wazee,yatima na wasiojiweza. Kutokana na huu Ugonjwa wa Corona tumeona ni vyema pia tuchangie kidogo tulichonacho katika Hospitali hii ya Mkoa wa Shinyanga ili kuiongezea nguvu serikali katika kukabiliana na Maambukizi ya Virusi vya Corona”,ameeleza Mambali.

"Msaada huu tumeutoa kwa jamii katika kipindi hiki cha ugonjwa huu wa Korona lakini pia kama njia moja wapo ya kutoa sadaka katika kipindi hiki cha Mfungo wa Mwezi Mtukufu wa Ramadhani" ,ameongeza mhasibu wa kikundi cha Women Force Bi. Mwajuma Osmani.

Naye Katibu wa Kikundi cha Women Force, Liku Ndaki amesema Kikundi hicho kinaundwa na wanawake wafanyabiashara na wafanyakazi serikali na taasisi binafsi.

Akipokea vifaa hivyo, Mganga Mkuu wa Mkoa wa Shinyanga Dkt. Yudas Ndungile amekishukuru Kikundi cha Women Force mchango huo wa vifaa waliotoa katika mapambano dhidi vya Ugonjwa wa Corona. 

“Hivi vitu mlivyotupa ni vya muhimu sana kwetu,ni msaada mkubwa sana mmetusaidia ili kuhakikisha mapambano dhidi ya Corona yanaenda sambamba na maelekezo ya serikali kwani ukiachia mbali watu wanaokuja kuhudumiwa na kuona wagonjwa lakini kuna wastani wa watumishi 300 katika Hospitali yetu Rufaa ya mkoa, hivyo tutaweka vituo vingine zaidi vya kunawia mikono ambavyo watu watakuwa wananawa mara kwa mara wawapo hospitalini”, amesema Dkt. Ndungile.

“Ukweli ni kwamba lazima tuendelee kupambana,kuelimisha,kushirikiana na kushikamana kama Wana Shinyanga na kama taifa kwani bado tatizo lipo lakini msingi zaidi ni kuendelea kuhamasisha vile vitu vya msingi vya kufanya ili kuzuia Maambukizi ikiwemo kunawa maji yanayotiririka na sabuni muda wote”,ameongeza Dkt. Ndungile.

ANGALIA PICHA HAPA
Muonekano wa sehemu ya vifaa vilivyotolewa na Kikundi cha Women Force kilichopo katika Manispaa ya Shinyanga ikiwemo Stendi ya Kisasa ya kunawia mikono bila kugusa koki,Barakoa 150, Gloves 200 na sabuni 36 za kunawia mikono vyote vikiwa na Thamani ya Shilingi 700,000/= kwa ajili ya kukabiliana na maambukizi ya Virusi vya Corona katika Hospitali ya Rufaa ya Mkoa wa Shinyanga leo Ijumaa Mei 22,2020. Picha zote na Kadama Malunde - Malunde 1 blog

Kulia ni Mwenyekiti wa Kikundi cha Women Force, Magreth Mambali akimkabidhi Boksi la Barakoa Mganga Mkuu wa Mkoa wa Shinyanga Dkt. Yudas Ndungile kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Kulia ni Mwenyekiti wa Kikundi cha Women Force, Magreth Mambali akimkabidhi Boksi la Gloves Mganga Mkuu wa Mkoa wa Shinyanga Dkt. Yudas Ndungile kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Mwenyekiti wa Kikundi cha Women Force, Magreth Mambali akionesha namna Stendi ya kisasa ya kunawia mikono inavyofanya kazi wakati akikabidhi vifaa ya kujikinga na COVID - 19 kwa Mganga Mkuu wa Mkoa wa Shinyanga Dkt. Yudas Ndungile kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Mwenyekiti wa Kikundi cha Women Force, Magreth Mambali akionesha ya kunawa mikono kwa kutumia Stendi ya kisasa ya kunawia mikono akikabidhi vifaa vya kujikinga na COVID - 19 kwa Mganga Mkuu wa Mkoa wa Shinyanga Dkt. Yudas Ndungile kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Mganga Mkuu wa Mkoa wa Shinyanga Dkt. Yudas Ndungile akinawa mikono kwa kutumia Stendi ya Kisasa ya kunawia mikono iliyotolewa na Kikundi cha Women Force kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Mganga Mkuu wa Mkoa wa Shinyanga Dkt. Yudas Ndungile akinawa mikono kwa kutumia Stendi ya Kisasa ya kunawia mikono iliyotolewa na Kikundi cha Women Force kwa ajili ya kukabiliana na maambukizi ya COVID - 19 katika Hospitali ya Rufaa Mkoa wa Shinyanga.
Kushoto ni Mganga Mkuu wa Mkoa wa Shinyanga Dkt. Yudas Ndungile akikishukuru Kikundi cha Women Force kwa kuchangia katika mapambano dhidi ya COVID - 19.
Mganga Mkuu wa Mkoa wa Shinyanga Dkt. Yudas Ndungile (katikati) akipiga picha ya pamoja na viongozi wa Hospitali ya Rufaa Mkoa wa Shinyanga na viongozi wa Kikundi cha Women Force baada ya kupokea vifaa kwa ajili ya kukabiliana na COVID - 19.
Mganga Mkuu wa Mkoa wa Shinyanga Dkt. Yudas Ndungile (katikati) akipiga picha ya pamoja na wanachama wa Kikundi cha Women Force baada ya kupokea vifaa kwa ajili ya kukabiliana na COVID - 19.
Wanachama wa Kikundi cha Women Force wakipiga picha ya kumbukumbu.
Mganga Mkuu wa Mkoa wa Shinyanga Dkt. Yudas Ndungile (katikati) akipiga picha ya kumbukumbu na wanachama wa Kikundi cha Women Force baada ya kupokea vifaa kwa ajili ya kukabiliana na COVID - 19.
Wanachama wa Kikundi cha Women Force wakipiga picha ya kumbukumbu.
Walinzi wa Hospitali ya Rufaa ya Mkoa wa Shinyanga wakijiandaa kunawa mikono getini kwa kutumia Stendi ya kisasa ya kunawia mikono bila kugusa ambayo ni sehemu ya stendi mbili zilizotolewa na Kikundi cha Women Force ili kukabiliana na maambukizi ya Virusi vya Corona katika hospitali hiyo.
Mwananchi aliyefika katika Hospitali ya Rufaa ya Mkoa wa Shinyanga akinawa mikono getini kwa kutumia Stendi ya kisasa ya kunawia mikono bila kugusa ambayo ni sehemu ya stendi mbili zilizotolewa na Kikundi cha Women Force ili kukabiliana na maambukizi ya Virusi vya Corona katika hospitali hiyo.
Picha zote na Kadama Malunde - Malunde 1 blog
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post