MUME AMUUA MKEWE KWA KUMTWANGA RISASI..AJARIBU KUJIUA | MALUNDE 1 BLOG

Saturday, April 25, 2020

MUME AMUUA MKEWE KWA KUMTWANGA RISASI..AJARIBU KUJIUA

  Malunde       Saturday, April 25, 2020

Kaimu Kamanda wa Polisi Mkoa wa Arusha, ACP Koka Moita.

Jeshi la Polisi Mkoa wa Arusha linamshikilia Elibariki Geofrey mkazi wa Chekereni wilayani Arumeru, kwa tuhuma za mauaji ya mke wake Ester Elibariki, baada ya kumpiga risasi mbili kifuani na shingoni, kisha na yeye kujijeruhi nayo shingoni, na sasa anatibiwa kwenye Hospitali ya Mount Meru.

Taarifa hiyo imetolewa na Kaimu Kamanda wa Polisi Mkoa wa Arusha, ACP Koka Moita, ambapo amesema kuwa tukio hilo lilitokea usiku wa Aprili 23, 2020, majira ya saa 6:25 usiku, ambapo taarifa za awali zinabainisha kuwa mauaji hayo ya kikatili yamesababishwa na wivu wa mapenzi.

"Tukio hilo limetokea eneo la Chekereni, wilayani Arumeru, Mama aitwaye Ester Elibariki aliuawa kwa kupigwa risasi mbili na mume wake Elibariki Geofrey, mwili wa marehemu huyo upo katika Hospitali ya Mount Meru kwa ajili ya uchunguzi, uchunguzi unaendelea ili kubaini nini chanzo halisi cha tukio hilo, japo taarifa za awali zinaonesha kuwa ni wivu wa mapenzi" ameeleza Kamanda Moita.

Aidha Kamanda Moita akielezea maafa ya mvua zinazoendelea kunyesha mkoani humo, amesema kuwa katika Kijiji cha Morala Kata ya Songoro, kumetokea kifo cha mzee mmoja ambaye aliangukiwa na ukuta wa nyumba yake na kufariki pale pale.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post