ZIMAMOTO NA UOKOAJI WAENDELEA KUMTAFUTA MWANAFUNZI ALIYESOMBWA NA MAJI | MALUNDE 1 BLOG

Thursday, January 23, 2020

ZIMAMOTO NA UOKOAJI WAENDELEA KUMTAFUTA MWANAFUNZI ALIYESOMBWA NA MAJI

  Malunde       Thursday, January 23, 2020
Na John Walter-Babati

Mwili wa Mwanafunzi wa kiume (10) aliyekuwa akisoma darasa la nne katika shule ya Msingi Darajani iliyopo Mjini Babati mkoani Manyara  anayesadikiwa kusombwa na maji wakati akiogelea kwenye mto eneo linalojulikana kama  Darajani  unaotiririsha Maji kuelekea Ziwa Manyara bado haujapatikana kwa siku ya tatu sasa.

Kamanda wa Jeshi la Zimamoto na Uokoaji Mkoa wa Manyara, Kamishna msaidizi Mwandamizi wa Jeshi la Zimamoto na Uokoaji Julishaeli Mfinanga, amewataka wananchi wawe watulivu katika kipindi wanachoendelea na utafutaji.

Amesema mwelekeo wa kumpata mtoto huyo upo kwa sababu tabia ya maji huwa baada ya mtu kuzama kwenye kina kirefu cha  maji baada ya siku tatu humuibua juu na kumtupa kando ya mto.

Wananchi kutoka maeneo mbalimbali ya mji wa Babati,Viongozi wa serikali na Siasa wamejitokeza kwa wingi kusaidiana na vyombo vya ulinzi na Usalama katika kufanikisha zoezi la kuupata mwili wa mtoto huyo.

Hata hivyo  baaadhi ya wananchi wakizungumza na kituo hiki, wamesema kuwa kwa kipindi hiki cha mvua mto huu huwa unafurika maji mengi ambayo yana kasi kubwa, hivyo tahadhari inahitajika kwa wanaovuka katika eneo la mto huo pamoja na kuwa makini na watoto.

Mtoto huyo alisombwa na maji jumatatu Januari 20  majira ya saa saba mchana wakati wakiwa wanaogelea yeye na wenzake ambao walinusurika.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post