HAKIMU AMTAKA TUNDU LISSU AFIKE MAHAKAMANI KESI YA UCHOCHEZI | MALUNDE 1 BLOG

Thursday, December 19, 2019

HAKIMU AMTAKA TUNDU LISSU AFIKE MAHAKAMANI KESI YA UCHOCHEZI

  Malunde       Thursday, December 19, 2019
Mahakama ya Kisutu imesisitiza kuwa inamtaka Mahakamani aliyekuwa Mbunge wa Singida Mashariki,Tundu Lissu anayekabiliwa na kesi ya uchochezi.

Hata hivyo, Lissu ameieleza Mahakama kupitia Mdhamini wake Ibrahim Ahmed kuwa anahitaji kurejea ila bado anahofia usalama wake, kesi imeahirishwa hadi Januari 20,2020. 

Novemba 21, 2019 Mahakama hiyo iliwataka wadhamini wa mwanasheria mkuu huyo wa Chadema kuhakikisha wanampeleka mahakamani ili kesi ya msingi iendelee.

Katika maelezo yake mahakamani, Ahmed amedai alifanya utaratibu kama alivyoelezwa na Mahakama, alipomfikishia mteja wake agizo hilo alijibiwa kuwa anatamani kurejea nchini lakini ana hofu na usalama wake.

Wakili wa Serikali, Silvia Mitanto amedai upande wa mashtaka umeshindwa kuleta mashahidi kutokana na mshtakiwa wa nne kutokuwepo.

Baada ya maelezo hayo Hakimu Simba alimsisitiza mdhamini huyo kuhakikisha Lissu anafika mahakamani kwa kuwa taratibu za dhamana zinaeleweka.

Kesi hiyo imeahirishwa hadi Januari 20, 2020.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post