Picha : WAKE WA VIONGOZI TANZANIA WAKABIDHI MADARASA,VYOO SHULE YA BUHANGIJA JUMUISHI SHINYANGA | MALUNDE 1 BLOG

Sunday, November 10, 2019

Picha : WAKE WA VIONGOZI TANZANIA WAKABIDHI MADARASA,VYOO SHULE YA BUHANGIJA JUMUISHI SHINYANGA

  Malunde       Sunday, November 10, 2019

Umoja wa wake wa viongozi nchini Tanzania ‘Ladies of New Millenium Women Group’ umekabidhi madarasa manne yenye thamani ya shilingi milioni 65.8 na matundu 10 ya vyoo yenye thamani ya shilingi milioni 21 yanayoendelea kujengwa katika mabweni ya shule ya Msingi Buhangija Jumuishi iliyopo katika Manispaa ya Shinyanga ambayo ni maalumu kwa watoto wenye mahitaji maalumu wakiwemo wenye ualbino,viziwi na wasioona.


Madarasa na matundu hayo ya vyoo yamekabidhiwa leo Jumapili Novemba 10,2019 na Mlezi wa Umoja wa wake wa viongozi,Maria Majaliwa kwa Waziri wa Elimu,Sayansi na Teknolojia,Profesa Joyce Ndalichako wakati wa ziara yake mkoani Shinyanga.


Akizungumza wakati wa kukabidhi madarasa hayo na matundu ya vyoo kwa ajili ya wanafunzi wenye mahitaji maalumu, Mlezi wa Umoja wa wake wa viongozi,Maria Majaliwa amesema umoja huo amesema madarasa hayo yataleta tija kwa wanafunzi katika kuhakikisha wanajifunza katika mazingira bora.

“Mheshimiwa Waziri nakukabidhi majengo mawili yenye madarasa mawili kila moja na matundu 10 ya vyoo yanayoendelea kujengwa na yapo mbioni kukamilika kwa ajili ya wanafunzi wenye mahitaji maalumu wanaoishi bweni ikiwa ni sehemu ya kuunga juhudi zinazofanywa na Rais wa awamu ya tano Dkt. John Pombe Magufuli katika kuhakikisha wanafunzi wanasoma katika mazingira bora,majengo haya yamejengwa kwa ubora wa hali ya juu kwa gharama nafuu”,amesema Mama Majaliwa ambaye ni Mke wa Waziri Mkuu wa Jamhuri ya Muungano wa Tanzania,Mhe. Kassim Majaliwa.

Naye Mwenyekiti wa Umoja wa Wake wa viongozi,Tunu Pinda amesema umoja huo pia utatoa shilingi milioni 3.6 kwa ajili ya kununua madawati yatakayowekwa kwenye vyumba hivyo vya madarasa huku akiwasisitiza wanafunzi kusoma kwa bidii ili waweze kutimiza ndoto zao za maisha.

Wakiwa katika shule ya Msingi Buhangija Jumuishi,wake wa viongozi waliopo madarakani na waliostaafu wametoa zawadi mbalimbali kwa wanafunzi wenye mahitaji maalumu wakiwemo wenye ualbino,viziwi,wasiosikia na wenye ulemavu wa ngozi,zawadi hizo ni pamoja na vifaa vya kujifunzia,vifaa vya kufanyia usafi,mafuta ya kupaka,kupikia,miswaki,taulo laini,dawa za meno,sukari na kadhalika vyote vikiwa na thamani ya zaidi ya shilingi milioni nne.

Wanawake hao pia wakiongozwa na Waziri wa Elimu,Sayansi na Teknolojia,Prof. Joyce Ndalichako wamegawa chakula na kula pamoja na wanafunzi wa shule ya msingi Buhangija huku wakiupongeza uongozi wa serikali ya mkoa wa Shinyanga kwa kuendelea kuwa karibu na shule hiyo maalumu.

Akizungumza, Waziri wa Elimu,Sayansi na Teknolojia, Prof. Joyce Ndalichako aliwapongeza wake hao wa viongozi kwa kuguswa na hali iliyopo katika shule ya Buhangija na kuamua kusaidia kujenga madarasa ili wanafunzi wasome katika mazingira rafiki.

“Niwapongeze sana akina mama kwa kujitoa kusaidia watoto hawa,hakika mmekuwa mfano wa kuigwa.Niushukuru uongozi wa mkoa wa Shinyanga kwa kusimamia ujenzi huu ambapo majengo ni mazuri,yana kiwango kikubwa cha ubora ambapo kila jengo nimeambiwa limetumia shilingi milioni 16.4 hii ni gharama ndogo,hongereni sana”,amesema Prof. Ndalichako.

Katika hatua nyingine ameitoa wito kwa jamii kuachana na mila potofu kuhusu watu wenye ualbino huku akiwataka wazazi na walezi kuacha tabia ya kuficha watoto wenye ulemavu akisisitiza kuwa watoto wote ni sawa wanatakiwa kupewa haki yao ya elimu.

Akitoa taarifa kwa Waziri Ndalichako, Mwalimu Mkuu wa shule ya Msingi Buhangija Jumuishi,Selemani Kipanya amesema shule ya msingi Buhangija Jumuishi ina jumla ya wanafunzi 1052 kati yao wenye mahitaji maalumu ni 230 ambao wanaishi bweni (wenye ualbino 131,viziwi 74,wasioona 25).

ANGALIA PICHA MATUKIO YALIYOJIRI
Muonekano wa majengo mawili yenye madarasa mawili kila moja yaliyojengwa na Umoja wa wake wa viongozi nchini Tanzania ‘Ladies of New Millenium Women Group’ katika shule ya Msingi Buhangija Jumuishi iliyopo katika Manispaa ya Shinyanga. Majengo hayo yamekabidhiwa leo Jumapili Novemba 10,2019 na uongozi wa Umoja wa wake wa viongozi kwa Waziri wa Elimu,Sayansi na Teknolojia Prof. Joyce Ndalichako . Picha zote na Kadama Malunde - Malunde 1 blog
Viongozi mbalimbali wakiwa na Waziri wa Elimu,Sayansi na Teknolojia Prof. Joyce Ndalichako (wa pili kulia) wakiwa katika shule ya Msingi Buhangija Jumuishi wakati wa makabidhiano ya madarasa manne na matundu ya vyoo 10 katika shule hiyo.
Mlezi wa Umoja wa wake wa viongozi,Maria Majaliwa akisoma taarifa ya ujenzi wa madarasa manne yaliyojengwa na umoja huo katika shule ya Msingi Buhangija Jumuishi. Wa kwanza kushoto ni Mkuu wa Mkoa wa Shinyanga,Zainab Telack akifuatiwa na Mwenyekiti wa Umoja wa wake wa Viongozi,Tunu Pinda na Waziri wa Elimu,Sayansi na Teknolojia Prof. Joyce Ndalichako. Wa kwanza kulia ni Mkuu wa wilaya ya Shinyanga,Jasinta Mboneko.
Mkuu wa Mkoa wa Shinyanga,Zainab Telack akizungumza wakati wa makabidhiano ya madarasa na matundu ya vyoo yaliyojengwa na Umoja wa wake wa viongozi nchini Tanzania.


Waziri wa Elimu,Sayansi na Teknolojia Prof. Joyce Ndalichako akikata utepe wakati akipokea madarasa manne yaliyojengwa na Umoja wa wake wa viongozi nchini katika shule ya Msingi Buhangija Jumuishi iliyopo katika Manispaa ya Shinyanga.
Ndani ya moja ya madarasa: Kulia ni Katibu Tawala mkoa wa Shinyanga,Albert Msovela akimwelezea Waziri wa Elimu,Sayansi na Teknolojia Prof. Joyce Ndalichako kuhusu ujenzi wa madarasa hayo.
Waziri wa Elimu,Sayansi na Teknolojia Prof. Joyce Ndalichako na viongozi mbalimbali pamoja na wake wa viongozi wakitoka katika moja ya madarasa yaliyojengwa na Umoja wa wake wa viongozi nchini Tanzania.

Waziri wa Elimu,Sayansi na Teknolojia Prof. Joyce Ndalichako na viongozi mbalimbali,wake wa viongozi na wanafunzi wa shule ya Msingi Buhangija Jumuishiwakipiga picha ya pamoja nje ya madarasa yaliyojengwa na Umoja wa wake wa viongozi.


Waziri wa Elimu,Sayansi na Teknolojia Prof. Joyce Ndalichako na viongozi mbalimbali,wake wa viongozi na wanafunzi wa shule ya Msingi Buhangija Jumuishi wakipiga picha ya pamoja nje ya madarasa yaliyojengwa na Umoja wa wake wa viongozi.

Kulia ni Afisa Elimu mkoa wa Shinyanga,Mohammed Kahundi akifurahia na kucheza wakati viongozi wakiongozwa na Waziri wa Elimu,Sayansi na Teknolojia wakicheza muziki wakati wa makabidhiano ya madarasa manne.
Viongozi wakicheza muziki.
Katibu Tawala mkoa wa Shinyanga,Albert Msovela akielezea kuhusu ujenzi wa matundu ya vyoo katika shule ya msingi Buhangija Jumuishi. Vyoo hivyo vinajengwa na Umoja wa wake wa viongozi nchini Tanzania.
Katibu Tawala mkoa wa Shinyanga,Albert Msovela akielezea kuhusu ujenzi wa matundu ya vyoo katika shule ya msingi Buhangija Jumuishi. Vyoo hivyo vinajengwa na Umoja wa wake wa viongozi nchini Tanzania.
Waziri wa Elimu,Sayansi na Teknolojia Prof. Joyce Ndalichako akiwapongeza wake wa viongozi kujenga madarasa na vyoo katika shule ya msingi Buhangija Jumuishi.
Waziri wa Elimu,Sayansi na Teknolojia Prof. Joyce Ndalichako  akiwataka wazazi na walezi kutowabagua watoto wenye ulemavu.
Viongozi mbalimbali wa serikali na Chama Cha Mapinduzi wakimsikiliza  Waziri wa Elimu,Sayansi na Teknolojia Prof. Joyce Ndalichako  katika ukumbi wa Mikutano kwenye shule ya msingi Buhangija Jumuishi.
Wanafunzi wa shule ya msingi Buhangija Jumuishi wakitoa burudani ya wimbo mbele ya Waziri wa Elimu,Sayansi na Teknolojia Prof. Joyce Ndalichako.
Mkuu wa Mkoa wa Shinyanga,Zainab Telack akiwashukuru wake wa viongozi kwa kusaidia kujenga madarasa na vyoo katika shule ya msingi Buhangija Jumuishi.
Mwenyekiti wa Umoja wa wake wa viongozi, Tunu Pinda akizungumza katika ukumbi wa mikutano wa shule ya msingi Buhangija Jumuishi akielezea shughuli mbalimbali zinazofanywa na umoja huo katika kusaidia  jamii.
Mkuu wa wilaya ya Shinyanga,Jasinta Mboneko akizungumza katika ukumbi wa mikutano shule ya msingi Buhangija.
Mwenyekiti wa CCM mkoa wa Shinyanga,Mabala Mlolwa akiwapongeza wake wa viongozi kwa kutekeleza ilani ya CCM kwa vitendo upande wa sekta ya elimu kuboresha mazingira ya kujifunzia kwa wanafunzi.
Katibu Msaidizi wa Umoja wa wake wa viongozi,Naima Malima akielezea kuhusu Umoja wa wake wa viongozi ambao una wanachama 61 ambao ni wake wa viongozi waliopo madarakani na viongozi waliostaafu.
Mwalimu Mkuu shule ya msingi Buhangija Jumuishi Seleman Kipanya akitoa taarifa kuhusu shule hiyo.
Sehemu ya wake wa viongozi na madiwani wa Manispaa ya Shinyanga wakiwa ukumbini
Sehemu ya wake wa viongozi na madiwani wa Manispaa ya Shinyanga wakiwa ukumbini
Wanafunzi wakiwa ukumbini.
Wanafunzi wakiwa ukumbini.
Kulia ni Mwenyekiti wa Umoja wa wake wa viongozi, Tunu Pinda akikabidhi vifaaa vya kujifunzia wanafunzi kwa Waziri wa Elimu,Sayansi na Teknolojia Prof. Joyce Ndalichakokwa ajili ya wanafunzi wa shule ya msingi Buhangija Jumuishi. 
 Mwenyekiti wa Umoja wa wake wa viongozi, Tunu Pinda akikabidhi vifaaa vya kujifunzia wanafunzi kwa Waziri wa Elimu,Sayansi na Teknolojia Prof. Joyce Ndalichako kwa ajili ya wanafunzi wa shule ya msingi Buhangija Jumuishi. 
 Mwenyekiti wa Umoja wa wake wa viongozi, Tunu Pinda akikabidhi sabuni kwa Waziri wa Elimu,Sayansi na Teknolojia Prof. Joyce Ndalichako kwa ajili ya wanafunzi wa shule ya msingi Buhangija Jumuishi. 
Sehemu ya vitu mbalimbali vilivyotolewa na Umoja wa wake wa viongozi kwa ajili ya wanafunzi wa shule ya msingi Buhangija Jumuishi.
Wake wa viongozi wakigawa vifaa mbalimbali vya shule kwa wanafunzi wa shule ya msingi Buhangija Jumuishi.
Katibu Msaidizi wa Umoja wa wake wa viongozi,Naima Malima akigawa taulo laini kwa wanafunzi wa shule ya msingi Buhangija Jumuishi.
Zoezi la kugawa vifaa vya shule likiendelea.
Zoezi la kugawa vifaa vya shule likiendelea.
Zoezi la kugawa vifaa vya shule likiendelea.
Wake wa viongozi wakicheza muziki na wanafunzi wa shule ya msingi Buhangija Jumuishi.
Wake wa viongozi wakicheza na wanafunzi wa shule ya msingi Buhangija Jumuishi.
Wake wa viongozi wakiongozwa na Waziri wa Elimu,Sayansi na Teknolojia,Prof. Joyce Ndalichako ( wa pili kushoto) wakigawa chakula kwa wanafunzi wa shule ya Msingi Buhangija Jumuishi.
Mkuu wa mkoa wa Shinyanga,Zainab Telack akiwapaka sabuni na kuwanawisha wanafunzi wa shule ya msingi Buhangija Jumuishi wakati wa kula chakula cha mchana.
Wake wa viongozi wakiendelea kugawa chakula kwa wanafunzi wa shule ya msingi Buhangija Jumuishi.
Zoezi la kugawa chakula likiendelea.
Picha ya kumbukumbu,Mkuu wa wilaya ya Shinyanga Jasinta Mboneko (kushoto) na wake wa viongozi nchini Tanzania.
Picha zote na Kadama Malunde - Malunde - Malunde 1 blog
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post