KARANI WA MAHAKAMA KORTINI KWA RUSHWA | MALUNDE 1 BLOG

Wednesday, November 27, 2019

KARANI WA MAHAKAMA KORTINI KWA RUSHWA

  Malunde       Wednesday, November 27, 2019

Karani wa Mahakama ya Wilaya ya Temeke, Itialy Omary, amefikishwa Mahakama ya Hakimu Mkazi Kisutu, jijini Dar es Salaam kwa madai ya kuomba rushwa ya Sh. 200,000.

Mshtakiwa huyo alisomewa mashtaka yake mbele ya Hakimu Mkazi Agustina Mmbando.

Mwendesha Mashtaka wa Taasisi ya Kuzuia na Kupambana na Rushwa (Takukuru), Odessa Horombe, alidai kuwa mshtakiwa huyo anakabiliwa na shtaka la kupokea rushwa kinyume cha sheria.

Horombe alidai kuwa Aprili 27, 2018 katika viunga vya Mahakama ya Wilaya ya Temeke, mshtakiwa aliomba rushwa ya Sh. 200,000 kutoka kwa Musa Abdallah, ikiwa ni kishawishi cha kumsaidia kukwepa hatia dhidi ya shtaka lililokuwa linamkabili kesi namba 211/2018 ya usalama barabarani iliyopo mahakamani hapo. Mshtakiwa huyo alikana mashtaka hayo.

Horombe alidai kuwa upelelezi umekamilika na kuiomba mahakama ipange tarehe nyingine kwa ajili ya kumsomea maelezo ya awali.

Hakimu Mbando alisema mshtakiwa anatakiwa kuwa na mdhamini mmoja mwenye vitambulisho vinavyotambulika na atasaini hati ya dhamana ya Sh. milioni tano.

Alisema kesi hiyo itasikilizwa maelezo ya awali Novemba 28, mwaka huu. Mshtakiwa alitimiza masharti hayo na yupo nje kwa dhamana.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post