BOMBA LA MAJI YA ZIWA VICTORIA LAUA TABORA | MALUNDE 1 BLOG

Wednesday, August 28, 2019

BOMBA LA MAJI YA ZIWA VICTORIA LAUA TABORA

  Malunde       Wednesday, August 28, 2019


Kamanda Polisi Mkoa wa Tabora, Barnabas Mwakalukwa

Mtoto mmoja mwenye umri wa miaka 9 ambaye ni mwanafunzi wa Darasa la tatu katika Shule ya Msingi Kiyungi iliyopo Manispaa ya Tabora mkoani Tabora, amefariki dunia mara baada ya kuporomokewa/kukanyagwa na bomba kubwa la maji huku mwingine akijeruhiwa.

Kamanda wa Polisi Mkoa wa Tabora, Barnabas Mwakalukwa akizungumza leo Agosti 28 na EATV & EA Radio Digital, amethibitisha kutokea kwa tukio hilo ambapo amedai kuwa mabomba hayo ni ya mradi mpya wa usambazaji wa maji mkoani humo kutoka Ziwa Victoria, yaliyokuwa yamehifadhiwa kwenye kiwanja cha shule hiyo.

''Mimi nipo eneo la tukio ambapo bomba la maji limeporomoka, lakini mpaka sasa hivi mmoja amefariki na mwingine ni majeruhi na amewekwa ICU. Hii ni ajali ambayo imewapata watoto wawili nafikiri walikuwa wanayachezea yakaporomoka'', amesema Kamanda Mwakalukwa.

Kamanda Mwakalukwa amelitaja jina la mtoto aliyefariki kuwa ni Paul Moses Mlyambula, ambapo majeruhi wa ajali hiyo amelazwa katika Hospitali ya mkoa ya Kitete kwa ajili ya matibabu zaidi.
Chanzo - EATV
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post