POLISI APULIZIWA DAWA NA KUIBIWA SILAHA NA MAJAMBAZI | MALUNDE 1 BLOG

Saturday, June 22, 2019

POLISI APULIZIWA DAWA NA KUIBIWA SILAHA NA MAJAMBAZI

  Malunde       Saturday, June 22, 2019
Afisa wa polisi anayehudumu katika kituo cha Riruta nchini Kenya amepuliziwa dawa na kuibiwa silaha yake na washukiwa wa ujambazi. 

James Obiri alikutwa amelala kando ya barabara ya Mtamba katika mtaa wa Highridge karibu na kituo cha polisi cha Parklands.


 Kulingana na ripoti iliyoandikishwa Riruta mnamo Alhamisi, Juni 20,2019 Obiri alikuwa amepoteza fahamu na hakuweza kuzungumza wakati alikimbizwa katika hospitali ya Avenue ili kufanyiwa uchunguzi wa matibabu.

 "Maafisa wa polisi waliomtembelea walimpata akiwa amelazwa baada ya kupelekwa hospitalini humo akiwa hali mahututi na maafisa wa polisi wa Parklands. Afisa huyo alipewa dawa aina ya opioid kulingana na uchunguzi wa madaktari," ripoti hiyo ilisema. 

Baadaye alisafirishwa hadi hospitali ya Nairobi West ambako anaendelea kupokea matibabu. 

Bastola yake iliyokuwa na risasi 14 iliibwa. Hata hivyo hii sio mara ya kwanza kwa maafisa wa polisi kupoteza silaha zao mikononi mwa wahalifu.

 Jumanne, Aprili 16, majambazi walivamia kituo cha polisi kaunti ya Nandi na kuiba bunduki tatu wakati maafisa waliokuwa wakishika doria walikuwa wameenda kutazama mechi. 

Chanzo- Tuko
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post