Thursday, March 14, 2019

KADINALI ATUPWA JELA KWA KUNYANYASA KINGONO WAIMBA KWAYA

  Malunde       Thursday, March 14, 2019

Mahakama Kuu nchini Australia imemhukumu Kardinali George Pell kifungo cha miaka sita gerezani, baada ya kukutwa na hatia ya kuwanyanyasa kingono wavulana wawili waliokuwa wakiimba kwaya katika Kanisa Kuu la Mtakatifu Patrick, lililopo mjini Melbourne zaidi ya miaka 20 iliyopita.

Jaji Mkuu wa Mahakama hiyo, Peter Kidd, alitoa hukumu hiyo jana kuwa Kardinali Pell atumikie kifungo cha miaka mitatu na miezi minane gerezani kabla ya kustahili kupatiwa msamaha.

Kardinali Pell, aliyekuwa Waziri wa Uchumi wa Vatican, alikutwa na hatia hiyo Desemba mwaka jana, kwa kumlawiti mvulana wa miaka 13 pamoja na mvulana mwingine pia mwenye umri wa miaka 13 mwishoni mwa miaka ya 1990.

Inaelezwa kuwa, tukio hilo lilitokea miezi michache baada ya Kardinali Pell kuteuliwa kuwa Askofu Mkuu wa Melbourne.

Pell, mwenye umri wa miaka 77, amekana mashtaka dhidi yake na Juni mwaka huu atakata rufaa kupinga hukumu hiyo.

Hukumu hiyo imekuja zikiwa ni siku chache tangu Kiongozi Mkuu wa Kanisa Katoliki, Papa Francis, kutangaza vita kali dhidi ya watumishi wa kanisa hilo watakaobainika kujihusha na vitendo vya unyanyasaji.

Akifunga mkutano mkuu wa kanisa hilo mjini Vatican, kiongozi huyo alisema kwamba atazichukulia kwa uzito mkubwa kesi zote zinazowahusu viongozi hao na huku akiwaita wahusika kama watumishi wa shetani.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post