Sunday, November 25, 2018

POLISI TANGA WADAI KUUA MAJAMBAZI WATATU

  Malunde       Sunday, November 25, 2018
Polisi mkoani Tanga limewaua watu watatu wanaodaiwa kuwa majambazi.

Tukio hilo limetokea leo asubuhi Jumapili Novemba 25, 2018 katika majibizano ya kurushiana risasi mtaa wa Ngwaru Kanisani kata ya Kwemkabala Muheza mjini wakitumia katika jaribio la kutaka kupora fedha.

Kamanda wa polisi mkoani Tanga, Edward Bukombe amesema majambazi hao walikuwa na gari aina ya Toyota X- Trail rangi nyeusi ambapo polisi walilipiga risasi kwenye matairi na kushindwa kutembea.

Amesema majambazi hao walikuwa katika jaribio la kuvamia nyumba ya mfanyabiashara maarufu mjini Muheza, Jackon Mhufu kwa lengo la kutaka kupora fedha.

Kwa mujibu wa mashuhuda wa tukio hilo majambazi hao walianza kurushiana risasi na askari polisi baada ya kuzidiwa walianza kukimbia huku na kule ndipo wananchi wakatoa ushirikiano na kufanikiwa kuuawa kwao.

Miili ya marehemu imehifadhiwa katika chumba cha kuhifadhi maiti cha hospitali teule ya mtakatifu Augustine Muheza kwa ajili ya taratibu nyingine ikiwemo kuwatambua majina.

Hii ni mara ya pili kwa majambazi hao kumvamia mfanyabiashara huyo kwa jaribio la kutaka kupora fedha lakini Polisi wilayani Muheza walifanikiwa kuwadhibiti.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post