Monday, September 10, 2018

NDEGE YAANGUKA ZIWANI,YAUA WATU 19 AKIWEMO ASKOFU WA KANISA LA ANGLIKANA

  Malunde       Monday, September 10, 2018

Watu 19 wamefariki dunia nchini Sudan akiwemo Askofu wa kanisa la Anglikana baada ya ndege ndogo ya abiria kuanguka ziwani wakati ikijaribu kutua huku kukiwa na ukungu mzito katikati mwa Sudan Kusini.

Ndege hiyo ilikuwa imebeba abiria 23 kutoka mji mkuu wa Sudan Kusini kuelekea mji wa Yirol jana, kwa mujibu wa afisa wa serikali, Taban Abel Aguek, ni watu wanne pekee ndio wamenusurika katika ajali hiyo miongoni mwao wakiwemo watoto wawili.

Waliopoteza maisha ni pamoja na rubani wa ndege na msaidizi wake na mtumishi wa shirika la Msalaba Mwekundu na Askofu wa kanisa la Anglikana.

Mnamo mwezi Machi mwaka huu, ndege iliyokuwa ikisafiri kutoka Juba kwenda mji wa Wau kaskazini magharibi mwa nchi hiyo ilianguka ikiwa na abiria 40 ambapo wote walinusurika lakini wengi wao wakipelekwa hospitali wakiwa na majeraha makubwa.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post