Thursday, August 2, 2018

MFANYABIASHARA AKAMATWA ASKARI WA UHAMIAJI DAR

  Malunde       Thursday, August 2, 2018

Mfanyabiashara Davis Mosha anashikiliwa na Idara ya Uhamiaji baada ya jana Agosti Mosi, 2018 kukamatwa kwa madai ya kuwazuia askari wa Idara hiyo kutekeleza majukumu yao.


Akizungumza na MCL Digital leo Alhamisi Agosti 2, 2018 msemaji wa idara hiyo, Ali Mtanda amesema Mosha aliwashambulia askari hao na kumnyang’anya mmoja wao simu ya mkononi baada ya kufika katika jengo la Delina lililopo Sinza Mori, jijini hapa.


"Askari walifika kwenye majengo hayo na kujitambulisha kwa mlinzi na moja kwa moja walionyeshwa ofisi za meneja,” amesema Mtanda.


“Wakati wakifanya mazungumzo ya kikazi na meneja huyo, ghafla akatokea Mosha na kuanza kuwafokea, kisha kuwashambulia na kumnyang'anya askari mmoja simu yake.”


Amesema alichofanya Mosha ni kinyume cha sheria ya uhamiaji namba 54 kifungu cha 45 kipengele 1 F, kinachozungumzia kumzuia ofisa wa uhamiaji kufanya kazi yake ya ukaguzi.


Mtanda amesema bado wanamshikilia Mosha kwa uchunguzi zaidi na kama kuna hatua nyingine zitafuata watatoa taarifa.


Kamanda wa Polisi Mkoa wa Kinondoni, Jumanne Murilo amesema tayari wamepokea taarifa ya tukio hilo, wanafanya uchunguzi kwa hatua za kisheria.


"Tunachunguza ili kujua kilichotokea ni nini, baada ya hapo ndio hatua nyingine zitafuata,” amesema Murilo.


Na Beatrice Moses, Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post