Thursday, July 12, 2018

WAZIRI UMMY ATOA MAAMUZI SAKATA LA GARI LA WAGONJWA KUKAMATWA NA MIRUGI

  Malunde       Thursday, July 12, 2018

Gari ya wagonjwa iliyokamatwa na shehena ya mirungi.

Ikiwa zimepita siku mbili tangu kuripotiwa kwa tukio la kukamatwa kwa gari la kubebea wagonjwa ‘Ambulance’ likiwa limebeba shehena ya mirungi, Wilayani Tarime mkoani Mara, Waziri wa Afya Maendeleo ya Jamii Jinsia Wazee na Watoto Ummy Mwalimu ameagiza kusimamishwa kazi wote waliohusika.

Waziri Ummy ametoa kauli hiyo akiwa ziarani wilayani Itilima mkoani Simiyu katika uzinduzi wa tuwatumie wahudumu wa Afya ngazi za jamii, ambapo amesema kuwa hatua stahiki zitachukuliwa dhidi ya mtumishi yeyote wa sekta ya afya atakayekwenda kinyume na utaratibu wa utoaji huduma.

“Ni marufuku gari la kubeba wagonjwa kubeba mkaa wala bidhaa nyingine, nalipongeza jeshi la polisi mkoani Mara kwa kuchukua hatua na mkurugenzi wa mkoa wa Mara nakuagiza kuchukua hatua mara moja usisubiri kusikiliza popote”, amesema ummy.

Julai 10, 2018 Askari polisi mkoani Mara walilikamata gari la kubeba wagonjwa mkoani humo lililokuwa limesheheni shehena la mirungi, ambapo dereva amewekwa mahabusu akisubiri kufikishwa mahakamani.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post