Tuesday, July 10, 2018

IDADI YA WATOTO WALIOOKOLEWA YAFIKIA NANE

  Malunde       Tuesday, July 10, 2018

Watoto waliokwama pangoni wakiwa katika picha ya pamoja.

Wapiga mbizi nchini Thailand kwa kushirikiana na wengine kutoka nje ya nchi wamefanikiwa kuwaokoa watoto wanne na kufanya idadi ya waliookolewa kutoka katika pango kufikia nane.

Vijana hao 12 na kocha wao wa soka walikwama ndani ya pango tangu Juni 23, 2018 baada ya mvua kubwa kusababisha mafuriko ambapo maji yalijaa sehemu mbalimbali katika pango na kusababisha watoto hao kushindwa kutoka nje.

Wanajeshi wa majini wa Thailandi wanaoongoza operesheni hiyo wamethibitisha taarifa hizo na kudai kuwa watoto hao wamepelekwa hospitalini kwa uchunguzi zaidi

Kikosi cha uokoaji nchini Thailand kimeendelea kutumia mashine za kuvuta maji kutoka ndani ya pango ilo ili kurahisisha operesheni hiyo huku takwimu za utabiri wa hali ya hewa ukionesha kuwa mvua zitaongezeka kunyesha nchini humo.

Aidha, Mkuu wa Kikosi cha Uokoaji ambaye ni Gavana wa Jimbo ‘Chang Raju,’ Narongsak Osottanakorn amesema kuwa uokoaji huo wenye mazingira ya hatari utawachukua takribani siku nne kutegemeana na hali ya hewa.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post