Saturday, June 30, 2018

ATUPWA JELA MAISHA KWA KUBAKA MTOTO WA MIAKA MINANE

  Malunde       Saturday, June 30, 2018

 Mtu mmoja mwenye umri wa miaka 19 amehukumiwa kifungo cha maisha gerezani kwa kumbaka msichana wa miaka nane.

Julius Otieno alishutumiwa kufanya kosa hilo Juni 21, 2017 katika kijiji cha Kamreri, Kaunti ya Migori nchini Kenya.

Mahakama iliambiwa kwamba Otieno alimdanganya mtoto huyo wakati akiwa njiani kutoka shuleni, akampeleka katika shamba la miwa lililokuwa karibu kisha kumbaka.

Hakimu wa mahakama ya Tongo Raymond Langat alisema mwendesha mashtaka aliweza kuthibitisha pasipo na shaka kwamba Otieno alitenda kosa hilo.

“Baada ya kuchunguza kwa uangalifu ushahidi wote na kusikia ushahidi kutoka kwa mashahidi wa pande zote na kufanya uchunguzi sahihi, mahakama imeridhika kwamba kosa lililotendeka linastahili kifungo cha maisha, “ alisema Langat
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post